Сабақ күні тобы Сабақ тақырыбы: Өндірістік оқытудың формасы сабақ. Сабақ түрі: құрастырылған Сабақтың мақсаты

1. 
   Білімділік.Оқушыларға тақырып бойынша түсінік бере отырып, білімдерін белгілі бір деңгейге сай жоғарылатып, одан әрі тереңдетуге бейімдеу
   
2. 
   Тәрбиелеу.Оқушыларды кәсіби біліктілікке, эстетикалық талғампаздыққа, еңбекке тәрбиелеу
   
3. 
   Дамыту. Әр оқушының өз ой-пікірін дұрыс жеткізуге, ойлау қабілетін одан әрі дамытуға көмектесу
   

1) оқушыларды журнал бойынша тексеру

2) сабаққа дайындықтарын тексеру
ІІ. Жаңа сабақтың жоспары:

Оқытуды ұйымдастыру формалары. Қазіргі сабақ

 Жоспар:

1. Оқытуды ұйымдастырудың формалары туралы ұғым

2. Оқытуды ұйымдастырудың негізгі формасы - сабақ

3. Оқыту процесінде сабаққа қойылатын талаптар.

4. Сабақтын құрылымы

Мектептердің даму тарихында оқытуды ұйымдастырудың әр түрлі формалары пайдаланылады. Оқыту формаларының бірте-бірте өзгеруі мұғалім мен оқушылардың іс-әрекетінің, өнеркәсіптің, ауылшаруашылығының және үдемелі ғылыми-техниканың өзгеруіне байланысты болады.

Ертедегі Грецияда оқытудың жеке формасы пайдаланылады. Бұл келесі ғасырға дейін – дворяндар үйелмендерінде сақталды.

Ерте замандағы Вавилонияда, Египетте, Қытайда, Үндістанда оқытудың жеке-топтық формалары шығып дамыды.

Орта ғасырда сабақ бір топ оқушылармен өткізілді. Мектептерде сабақтардың тұрақты кестесі, оқытудың дәл мерзімі болмады, оқушылар мектепке жылдың қай мезгілінде болса да қабылданды.

Мұнан былай қоғамның дамуы білім беру ісіне көтеріңкі талап қойды. Сондықтан оқыту жұмысын ұйымдастырудың тиімді формасы туралы сұрақтар туды. Оқытудың мұндай формасы ХVI ғасырда Ресейдің оңтүстік батысындағы мектептердің (Львов, Луцкая және басқа облыстар) тәжірибесінде пайда болды. Мектептерде құрамы берік, белгілі жастағы оқушыларға сынып ұйымдастырылды, оқу сабақ кестесі бойынша өткізілді, әрбір оқу сабақ деп аталды.

Мектепте сабақтан оқытуды ұйымдастырудың бірнеше формалары бар: оқу саяхаты, семинар сабақтары, практикумдар, факультативтер, консультациялар, үй оқу жұмысы т.б.

Семинар сабақтары оқушыларды өз бетімен жұмыс істеуге үйретеді: зерттелген материалдың мәніне жете түсінеді, өз ойын мазмұндап дәлелдейді. Демек, семинар сабақтары оқушыларды зерттеу жұмысының кейбір элементтерімен таныстырады.

Мұғалім оқу бағдарламасының материалдарын және мектептің нақтылы жағдайын есепке алып, практикумдар тақырыбын анықтайды. Оқу жоспарындағы сағаттардың есебінен практикумдарды өткізуге 6-8 лабораториялық сабақтар бөлінеді. Лабораториялық жұмыстар негізінен химия, физика, биология пәндерінен өткізіледі.

 Оқытуды ұйымдастырудың негізгі формасы - сабақ

 ХVII ғасырда сынып – сабақ жүйесі ене бастады. Оның контурын неміс педагогі Штурм, теориялық негізін қалаушы және практикалық технологиясын құрушы Я.А. Коменский болды. Сонымен 1930 жылдан бастап совет мектебінде оқытуды ұйымдастырудың формасы сабақ болды.

Оқыту – білім берудің негізгі жолы. Оқыту оқытушы мен оқушылардың біріккен іс-әрекеттері, сондықтан ол екі жақты біртекті процесс, біріншіден, оқытушы оқушыларға білім беріп, іскерлікке, дағдыға үйретеді, екіншіден, оқушы таным міндеттерін жете түсініп, жаңа білімді, іскерлікті дағдыны игереді және оларды өмірде қолданады.

Форма – сыртқы пішін, түр, қалыптасқан белгілі бір тәртіп. Кез келген заттың, процестің формасы оның ішкі мазмұнымен шартталады. Сонымен қатар форманың өзі мазмұнға әсер етеді. Оқыту ұйымдастыру формасы – оқыту процесінің арнайы конструкциясы. Бұл конструкция оқыту процесінің мазмұнымен, әдістерімен, құралдарымен, оқушылардың іс-әрекеттерінің түрлерімен анықталады.

Сабақ – оқушылардың топқа ұйымдасқан, класс (сынып) деп аталатын тұрақты құрамымен, мұғалім басшылығымен жүргізілетін оқу жұмысы. Сабақта оқыту мен тәрбие мақсаттары мен міндеттері жүзеге асырылады, оқушылардың ой-өрісі кеңиді, қабілеті дамиды, көзқарасы адамгершілік қасиеттері қалыптасады.

Оқытуды ұйымдастырудың формасы сыныптық-сабақтық жүйесінің ерекшеліктері:

- оқушылардың жас және дайындық деңгейлерінің шамалас болуы;

- әр сынып жылдық оқу жоспары бойынша жұмыс істеу;

- оқыту процесі - бірлескен бір-бірімен жалғасқан сабақ жүйесі;

- әр сабақ бір пәнге ғана арналуы (монизм);

- сабақтың арнайы кесте бойынша өтуі;

- мұғалімнің жетекшілік ролі;

- оқушылардың оқу - танымдық іс - әрекеттерін қалыптастыруда оқушылардың оқу іс-әрекеттерін ұйымдастырудың әр түрлі формаларын қолдану.

Әрбір сабақта логикалық, психологиялық, ұйымдастыру бірліктері болуы тиіс.

  Оқыту процесінде сабаққа қойылатын талаптар. Сабақтын құрылымы

 1. Сабақтың дидактикалық мақсатының айқындылығы.

Мақсат дегеніміз – алдын ала жоспарланған іс-әрекет барысында қандай да болса объектінің нәтижесін шығару. Оқыту процесі үш функция атқарады: білімділік, тәрбиелік, дамытушылық.

Сабақта оқу материалының ерекшелігіне сай, проблемалық жағдайларды туғызу танымдық процестің логикасын сақтап, оқу процесінің дамытушылық сипатын қажет ететін пікірмен ой қорытындыларын жасауға үйрету.

Әр сабақтық дидактикалық міндеттер алдын ала ойластырылуы керек және оқу танымдық міндет оқушылардың өз бетімен ізденіп ақыл – ойларын дамытуға үйрету қажет.

1. Балалардың жас және дербес ерекшеліктерін есепке алу.

Оқытудың әдістері мен оқу материалдарын қиындау және жеңіл дәрежесін дұрыс айқындау.

2. Сабақтың құрылымын айқындау, мақсат, міндет, әдіс-тәсіл, мазмұнға сәйкестендіру, тиімді пайдалану, уақытты үнемдеу.

3. Сөз бен көрнекілікті үйлестіру, техникалық құралдарды қолдану.

4. Оқушылардың білім деңгейін терең ұғынуын бақылап, есепке алу.

5. Білімнің қоғамдағы дәрежесін көтеру үшін дарынды балаларды аңықтау, бейімділігін, қабілетін дамытуға жағдай жасау.

Сабақтың типіне байланысты сабақтың құрылысы.