Зерттеу жүргізген Раздық Ибрагимовтың туған – туыстары, «Қазақ ССР халық ағарту ісінің озық қызметкері”бүгінгі зейнеткер – Ибрагимова Ғалия Задақызы және ШҚӨУ әдіскері Мукашева Асель Оразқызы
ӨМІРІ - ӨНЕГЕ, ІСІ - ӨСИЕТ
Елін сүйген, елі сүйген Елбасы Нұрсұлтан Әбішұлы Назарбаевтың «Біз тәуелсіздікке аңсап, зарығып жеттік. Енді сол тәуелсіздіктің қасиетті белгілерін де ерекше қадірлеуіміз, қастерлеуіміз керек. Әрбір азамат Қазақстанның туын, елтаңбасын, әнұранын тұмардай қасиет тұтуы қажет. Елдігіміздің сыналатын бір тұсы осы» деген сөзі тұла бойды тербірентіп, жүректі шымырлатады.Расында да, әрбір азамат еліміздің Туын, Елтаңбасын, Әнұранын бойтұмардай қасиет тұтуы қажет. Қазақ елінде тұратын және оны Отаным деп білетін әрбір азамат жүрегінің терең түкпірінде сақтап, қашанда жадында ұстауы керек, бұл баршамыздың туған ел алдындағы перзенттік борышымыз.
