Тақырыбы: Елімнің мақтанышы-ұлы Жамбыл (қазақ тілі мен әдебиеті апталығының ашылуы) Мақсаты
жүктеу/скачать 18,44 Kb.
|
- Бұл бет үшін навигация:
- Тәрбиелік
- Көрнекілігі
- Барысы:1 Ұйымдастыру.
- 2-жаршы
- Тазша
- Жиренше
|
Тақырыбы: Елімнің мақтанышы-ұлы Жамбыл (қазақ тілі мен әдебиеті апталығының ашылуы) Мақсаты: жыр алыбы Жамбылдың ақындық талантын шәкірт жүрегіне ұялату арқылы поэзияны сүю, ақын өлеңдерінің мәні мен маңыздылығын ұғындыру. Тәрбиелік: Ақын шығармалары арқылы ұлтжандылық сезімін оятып, адамгершілекке, елін, өнерді сүюге тәрбиелеу. Дамытушылық: Оқушылардың әдебиетке деген қызығушылығын ояту, көркем ойлау, сөйлеу, мәнерлеп айту дағдыларын қалыптастыру. Көрнекілігі: Ақын портреті, ақын-жазушылардың Жамбылға берген бағасы, ақын өлеңдерінен үзінділер, стенд: Өткізілу түрі: Жарнамалық көрініс. Барысы:1 Ұйымдастыру. Оқушыларды сынып бойынша орындарына тұрғызу. 1 – жаршы: Тыңдаңыздар, тыңдаңыздар Жамбыл есімі мәңгілік атты онкүндіктің дабылын қағып тұрған мұнда біз бар! Естімегендер естіңіздер, Көрмегендер көріңіздер. Үлес қосамын деушілер асығыңыздар.
Босқа қарап қалмаңыздар! Көрген де арманда, Көрмеген де арманда. Қызықтан тыс қалмаңыздар!
Тазша бала мен Жиренше кіріп келеді. Тазша: Ассалаумағалейкум! Жиренше: «Сәлем – сөз анасы» демекші, армысыздар балалар! Тазшабіз осы қай жерде тұрмыз. Тазша: «Мектеп – ғылым патшасы» емес пе, біз Жамбыл атындағы орта мектепте тұрмыз. Жиренше: «Оқу білім бұлағы, білім өмір шырағы» демекші, әрине бұл мектеп дегенді ертеңгі болашақ ұрпақтың құттыхана мешіті десек те болады. Тазша: Жиренше аға, біз осы қазақ тілі онкүндігінің ашылуы үстінен түстік қой деймін. Жиренше: Шынында солай сияқты. Жаңа бір жаршылардың жар салып, шақырып, хабарлап жүргенін естіп келіп тұрмын. Тазша: Мен де сол –осы мектепте қазақ тілі мен әдебиетінің «Жамбыл есімі мәңгілік » атты онкүндіктің ашылғанын құлағым шалып, келіп тұрмын. Жиренше: Иә, балам бұл онкүндік ауыз әдебиеті мен жазба әдебиеттің ортасындағы алтын көпір іспеттес Жыр алыбы Жамбылға арналса керек. Тазша: Енді түсіндім, Жиренше аға. Осы оқушылар Жамбылдың кім екенін біле ме екен? Енді сол балаларды тыңдап көрсек қайтеді? Жиренше: Тыңдасақ – тыңдайық. 1 оқушы «Менің өмірім» 2 оқушы «Әкеме» 3 оқушы «Тәйті мен Шыбыл шалға» 4 оқушы «Жаныс ақынға»
Онкүндіктің жоспарланған іс – шарасы бойынша қызықты сайыстар, байқаулар, танымдық ойындар, сыныпаралық жарыстар, көңілді тапқырлар отауы, мәні мен мазмұны терең кештер ұйымдастырылады, келіңіздер, көріңіздер! 2 – жаршы: Онкүндік күні халайық, Босқа қарап қалмайық. Жалын болып жанайық, Шақырамыз бәріңді, Өнерді аяп қалмайық! жүктеу/скачать 18,44 Kb. Достарыңызбен бөлісу:
|