Зерттеу: Микротия және атрезия диагнозына шалдыққан балалардың саны жылдан-жылға көбеюде. Оларға мемлекеттен ешқандай қолдау жоқ. Тақырыбы

Қазақстанда 2019 жылы аталмыш диагнозбен 802 бала тіркеуде тұрса, қазірде оның саны 5 мыңан асқан. https://factcheck.kz/kaz/basty-bet1/faktchek-kazakstanda-atreziya-zhane-mikrotiya-diagnozymen-700-bala-tirkeude-tur/ Алайда мемлекет тарапынан оларға ешқандай көмек көрсетілмейді. Оған себеп, бір құлағы жоқ балалар мүгедектер санатына жатпайды. Бұл көмек тек екі құлағы бірдей естімейтін нау­қастарға қарастырылған.

Анықтама беретін болсақ, микротия - құлақ қалқанының аномалиясы, туғаннан жүрекшенің дамымауы. Ал атрезия - құлақ тесігінің болмауы.

• 
  Дерттен айығу үшін 99000 доллар қажет. Алматы қаласының тұрғыны Ерболат Қуанышевтың қызы туабітті осы диагнозға шалдыққан. Биыл беске толған Адиля, қатарластарынан қалып қойып жатыр. 
  

• 
  Қызымның туабітті сол жақ құлағы бітеу. Тек оң құлағы естейді. Алайда, оның өзі 3 жыл бұрын 100 пайыз еді, қазір 75 пайызға төмендеді. Аурудың неден пайда болғанын білмейміз, оны дәрігерлерде түсіндіре алмады. Ең өкініштісі, елімізде осы сала бойынша жалғыз ғана маман бар. Оның өзі диагноз қоюмен шектеледі. Ал, әлем бойынша микротия мен атрезияға ота жасайтын 10 шақты ғана дәрігер бар екен. 
  

Ерболат мырзаның айтуынша, ол осы диагнозбен ауыратын 97 баланың ата-анасымен бірге “Қазақстан халқына” қорынан Үндістандағы дәрігерге ота жасату үшін көмек сұраған. Дегенмен қор басшылығы өтінімді қабылдамаған. Оған себеп, дәрігер туралы қанағаттандырарлық “оң пікірдің” болмауы. 

• 
  Қазір АҚШ - тағы дәрігерге ота жасату үшін, әлеуметтік желі арқылы сбор аштық. Оның суммасы 99000 долларды құрайды. Бүгінде 8 миллионы жиналды. Мемлекеттен ешқандай қолдау алып жатқан жоқпыз. Себебі, бір құлағы естімейтін жандар мүгедектер қатарына жатпайды екен,- дейді кейіпкеріміз. https://egemen.kz/article/163784-qulaghy-mukis-balalar-qoldau-kutedi
  

Мүгедектік берілмеуін ҚР Денсаулық сақтау министрлігінің Қоғамдық денсаулық сақтау саясаты департаментінің директоры Айжан Есмағамбетова былай деп түсіндірді: 

• 
  Бұл диагнозбен ауыратын балаларға әлеуметтік көмек бермеу себебі, олар ести алмайды емес естіп, тыңдай алады. Оларды екі құлағы естімейтіндермен салыстыру дұрыс емес. Есту функциясының бұзылу дәрежесін назарға ала отырып, микротиясы және атрезиясы бар балалардың көпшілігі мүгедектер болып табылмайды. Дыбыстарды қабылдаудың физиологиялық ерекшеліктерін ескере отырып, бір жақты құлақ мүкістігі кезінде тіршілік әрекеті шектелмеген (қарым-қатынас, бағдар, оқыту, еңбек қызметі және т.б. қабылеті) және мүгедектік белгіленбейді. https://factcheck.kz/kaz/basty-bet1/faktchek-kazakstanda-atreziya-zhane-mikrotiya-diagnozymen-700-bala-tirkeude-tur/
  

Қорыта айтқанда, еліміз білікті мамандарды шет елге тәжірибе алмасуға жіберетін болса, бізде де операциялар жасалып науқастар саны азаятын еді. Сонымен қатар, тіпті көршілес елдегі осындай диагнозбен ауыратын балдарды емдеу арқылы елімізге қаржы әкелетін еді.

1. 
   https://egemen.kz/article/163784-qulaghy-mukis-balalar-qoldau-kutedi
   
2. 
   https://baq.kz/lor-khirurg-elimizde_137041/
   
3. 
   https://factcheck.kz/kaz/basty-bet1/faktchek-kazakstanda-atreziya-zhane-mikrotiya-diagnozymen-700-bala-tirkeude-tur/
   
4. 
   https://www.instagram.com/help_adilia_microtia/