— 1 — ДӘулет төлеутайұлы бизнеске бағыт #әрекеткеберекет Нұр-СҰлтан 2020
Зерттеу нәтижесі бойынша 8 сөзден тұратын сөйлемді
жүктеу/скачать 4,82 Mb. Pdf көрінісі
|
????«БИЗНЕСКЕ БАҒЫТ»
| Зерттеу
нәтижесі бойынша 8 сөзден тұратын сөйлемді оқырман 100%-ға, 14 сөзден тұратын сөйлемді оқы- рман 90%-ға, 40 және одан да көп сөзден тұратын сөйлемді 10% ғана қабылдайды. Студент кезіңізде жазған реферат пен дипломдық жұмысыңызды еске түсіріп көрсеңіз, бір сөйлемді 10 есе ұзартуға тырысқан шығарсыз. Ал инстаграмда керісінше оны жеңіл, әрі жылдам оқылатындай жазғаныңыз абзал. Сөйлемді қысқарту үшін қыстырма сөздерді алып тастауға болады. Сондай-ақ, жазған мәтініңізді бірнеше қайтара оқып, ішіндегі артық сөздерді алып тастаңыз. Бастысы сөйлем мағынасын жоғалтпаса болғаны. Бір ойдан екінші ойға ауыспаңыз. Ойсыз, мағынасыз мәтін жазыңыз демейміз. Тек әр сөйлеміңіз бір ойдың қорытындысы болсын. Ал екінші — 95 — ойыңызды екінші сөйлемге арқау етіңіз. Сондай-ақ, күрделі сөздерді қолданып қиындатпаңыз. Барынша қарапайым сөздерді қолдануға тырысыңыз. Оқып отырған адам терминді білмесе, мәтінді түсінуі қиын болады. Тек аудиторияңыз термінді түсінетіндігіне сенімді болсаңыз, ол сөз кең қолданыста болса ғана пайдаланыңыз. Ойды анық жеткізетін сөзді қолданыңыз. Мысалы, практикалық кейстер туралы сөз қозғаймыз. «Кейс» сөзін «тәжірибе», «мысал» сөздерімен алмастыруға болатын еді. Бірақ бұл сөздердің аясы кең. Екі нұсқа да жарамды болса, ең қысқасын таңдаңыз. «Интернет-ресурс» дегенге «сайт» дей салыңыз. Екінші сөйлемде «сайт» сөзі қайталанып кетпес үшін интернет- ресурспен алмастыруға болады. Тәжірибе жүзінде оқырмандарыңызға әр түрлі бағыттағы мәтіндерді ұсынып, қаралымның көптігіне байланысты өз бағытыңызды таңдасаңыз болады. Фото «Instagram» әлеуметтік желісінде бірнеше жыл бұрын сапалы суреттермен оқырмандардың назарын еліктіруге болатын еді. Ал қазір бұл өте қиын. Әрине, фотолар сапалы, әдемі, сізге ұнауы мүмкін. Алайда бәсекелестік алаңында сіздің ол суреттеріңізге ешкім аса назар аудармайды. Себебі парақшада тауарды, қызмет түрін ғана емес, өзіңіздің жеке стиліңізді де сата білуіңіз керек. Көп тауардың ішінде сіздікін таңдауға мүмкіндік беретін парақшаңызды — 96 — визуалды тұрғыда дамыту керек. Жеке стиліңізді қалыптастырып, клиент пен компания арасында сенім орнатуға тырысыңыз. Оқырман сіздің парақшаңызға кірген сәтте ерекше қанық түстер, сізге тән мәтін, графика элементтері, өнделген фото-видеоны көру керек. Соңғы трендтер мен дизайнерлік қызметтерді пайдаланып визуал қалыптастырыңыз. Және оны жиі өзгертуге тырыспаңыз, себебі ол оқырманды шатастырады. жүктеу/скачать 4,82 Mb. Достарыңызбен бөлісу:
|