Ирекше пішінділері – оларға спираль тәріздес бактериялар жатады. мысалы спириллалар, штопор тәрізді иректелген жасушалар. Иректелген бактерияларға жасушасының пішіні иілген шағала қанаты сияқты имегі бар кампилобактериялар мен хеликобактериялар жатады; бұларға спирохеталарды жатқыза аламыз . Спирохеталар - жіңішке, ұзын, иректелген бактериялар, спириллалардан жасушасының иілгіштігімен, қозғалғыштығымен ерекшеленеді. Спирохеталар цитоплазматикалық мембрана мен аксиальдық жіпшесі бар протоплазматикалық цилиндрді қоршап жатқан сыртқы мембранадан тұрады. Аксистиль жібі жасуша қабырғасының сыртқы мембранасының астында орналасып, спирохетаның протоплазматикалық цилиндрінің айналасында ширатылып жатады, сөйтіп оган бұранда пішінін береді .
