| Қоздырушысы – Clostridium chauvoei – түзу, аздап иілген таяқша, ұзындығы 2-8 мкм. Ол ауасы жоқ жерде өседі, спора түзеді. Микроскоппен қарағанда пішіні кішігірім таяқшаға ұқсас болып көрінеді. Қоздырушысы табиғатта кең тараған, топырақта, көңде, түбі лай су қоймаларында кездеседі.
Қарасанмен негізінен 3 айдан 4 жас аралығындағы сиыр малы, сирегірек қой, ешкі, бұлан мен бүғы ауырады. Инфекция қоздырушысының бастауы – ауырған жануарлар, ал таралу факторларына ауру қоздырушысының спораларымен ластанған топырақ, жемшөп, жайылым, батпақты, ағыны жоқ су көздері жатады. Ауру алиментарлық жолмен және зақымданған тері арқылы жұғады. Ауру жылдың кез келген мезгілінде кездескенімен, жазғы, күзгі ,маусымдығы айқын сезіледі. Көптеген өлкелерде қарасанның ең көп байқалатын уақыты - күздігүні.
Достарыңызбен бөлісу: |
