Дауалау және күресу шаралары. Шаруашылыққа сырттан әкелінген мал 30 күн дауалық карантинде ұсталуы қажет. Оқшауханадан шығарар алдында ондай жануарлардың үстін 2% тотияйын, күйдіргіш натрий немесе басқа дезинфектантпен шылау керек. Аурудың алдын алу мақсатымен жемге, қосып гризеофульвин, метионинді күкірт береді.
Ауру шыға қалған жағдайда шаруашылықты сау емес деп жариялап, жануарларды бір табыннан екінші табынға ауыстыруға тиым салады. Ауырған малды оқшаулап, емдейді. Қалғандарына вакцина егіп, ауруға шалдыққандарын уақытылы бөліп алу мақсатымен әрбір 5 күн өткен сайын дәрігерлік бақылаудан өткізеді. Жаңадан ауырған малды бөліп алған кезде, бірден қора-жайға дезинфекция жасалады. Сонымен қатар, құрал сайман, жұмыс киімі зарарсыздандырылады. Шаруашылық соңғы ауырған мал жазылған соң 15 күн өткенде, қорытынды дезинфекция жасап барып, сау деп есептеледі.