4-5 модульдердің қорытындысы бойынша максималды 100 балл шегінде 2-межелік бақылау балы жинақталады
3. АҒЫМДЫҚ БАҒАЛАУ Білім алушы «Univer» жүйесі арқылы модуль бойынша әр аптаға жүктелген тақырыптармен жұмыс жасайды. Білім алушының оқу жетістіктері силлабустағы әр модуль бойынша көрсетілген балл шегінде 2-қосымшадағы бағалау критерийлері негізінде жалпы бағаланады. Бақылау модульдер аяқталған апталарда жүргізіліп, сол аптада оқытушылар «Univer» жүйесіндегі «семинар/практикалық» журналына тиісті балдарын енгізеді.
Оқытушы БӨЖ тапсырмалары бойынша білім алушының жұмысын тақырыбына сәйкес сол модульге белгіленген балл мөлшерінің белгілі-бір үлесі деңгейінде бағалайды. БӨЖ бойынша балдың үлесін тапсырмалардың күрделілігіне қарай оқытушы өзі дербес белгілейді. (мысалы: модульге 30 балл болса, 10 балы БӨЖ тапсырмасын орындаудан қралады, сондай-ақ әр модульде әр түрлі болуы мүмкін және курс саясатында әр модуль бойынша нақты көрсетіледі) Тапсырманы орындағаннан кейін модульге берілген апта ішінде оқытушы білім алушының тиісті балын «Univer» жүйесіндегі «ОСӨЖ» журналына енгізеді.
Ескерту! Оқытушы білім алушы үшін апта сайын «Univer» жүйесіне «Пәннің оқу-әдістемелік кешені» ұяшығы арқылы сабақ түрлері бойынша материалдарды жүктейді.
4. АРАЛЫҚ БАҚЫЛАУ ФОРМАТЫ (емтихан) ЖӘНЕ БАҒАЛАУ КРИТЕРИЙЛЕРІ Жазбаша (билет) жұмыс. Билет сұрақтарының мазмұны әр модульдің тақырыптарына негізделген. Билет құрылымы Блум таксономиясының ойлау дағдыларының деңгейлеріне сай құрастырылған. Билетте 3 сұрақ беріледі: 1-ші сұрақ алгоритмді білімге негізделген, 2-ші сұрақ қолдану деңгейінің сұрақтарын қамтиды, 3-ші сұрақ шығармашылық білімге негізделеді. 1-ші білу және түсіну деңгейінің сұрағы 20 баллмен, 2-ші қолдану деңгейі 30 баллмен, 3-ші талдау, жинақтау, бағалау деңгейінің сұрағы 50 баллмен бағаланады. Баға 2-қосымшаға сәйкес қойылады.
