Кеуделік аортаның кеуде қуысы қабырғасын қанмен қамтамасыз ететін
тармақтары:
Париеталық тармақтар Артқы қабырға аралық артериялар (arteriae intercostales
posteriores) оң және сол жақ III-XI қабырға аралыққа сегментті түрде тармақталады.Соңғы
артерия XII қабырғаның астында жүретін қабырға аты артерия (arteria subcostalis).Бұл
артериялар қабырғаны,қабырға аралық бұлшықеттерді қанмен қамтамаыз етіп,арқаның
бұлшықеттері мен терісін, омыртқа бағанасын қанмен қамтамасыз ететін артқы тармақ
(ramus dorsalis) және жұлындық тармақ (ramus spinalis) береді. Көкеттің жоғарғы
артериялары (arteria phrenicae superiores) көкеттің аорталық тесігінде тармақталатын жұп
тамыр, көкеттің белдің бөлігінде тармақталып, оны және өкпеқапты қанмен қамтамасыз
етеді.
Висцералық тармақтар Бронхтық тармақтар (rami bronchiales) сол жақ өкпе түбірі
деңгейінде 2-3 тармақ түрінде басталып, сол жақ бронх бойымен тармақталып,бронхтар
мен өкпелерді қанмен қамтамасыз етеді.Оң жақ өкпеге бронхтық тармақтар көбінесе оң
жақ артқы қабырға аралық артериялардан және өңештік тармақтардан кетеді. Өңештік
тармақтар (rami esophageales) 4-5 тармақ түрінде аортаның өңешке жанасқан жерінен
басталатын жұп тармақ. Көкірек орталық тармақтар r(rami mediastinalis) көкірек орт аның
шелмайы мен лимфа түйіндерін қанмен қамтамасыз етеді. Перикардтық тармақтар(rami
pericariaci) перикардтың артқы бетіне баратын жұп тармақтар.
Достарыңызбен бөлісу: 
