) Ми су құбыры, құрылысы мен қызметі

Ортаңғы мида аралық мидағы үшінші ми қарыншасы қуысын ромбы тәрізді мидағы төртінші ми қарыншасы қуысымен байланыстыратын түтікше қуыс — суқұбыры (суағар) болады. Ми суқұбыры қызметі жағынан вегатативті жүйеге қатысы бар орталық сұр затпен қоршалған. Суқұбырдың вентральды қабырғасы астында екі қозғалтқыш бас сүйек нервтерінің ядролары орналасқан: біреуі n.oculomotorius жоғарғы қос төбешік деңгейінде және trochlearis nervi төменгі қос төмпешік деңгейінде. Олардан бөлек вегетативті жұп қосалқы ядро n.accessorius және сыңар ортаңғы ядро орналасады. Бұл ядролар көздің еріксіз бұлшықеттерін m.ciliaris және m.sphincter pupillae нервтендіреді. Ми суқұбырынан латеральды үшкіл нервтің ортаңғы ми жолы ядросы n.mesencephalicus n.trigemeni жатады. Су құбыры нормада интракранальдық қысымның сақталуы үшін өте маңызды. Егер сұйықтық жоғалса, қысымы төмендейді, бұл дереу ауыртпалықсыз бас ауруы, жүрек айнуы, құсу және көру жоғалтуына әкеледі.