«Өнер» ортақ тақырыбы бойынша жиынтық бағалау БЖБ№1

Орындау уақыты 20 минут

Шәмші Қалдыаяқов бұл әнді 1959 жылы үлкен тебіреніс үстінде жазыпты. «Менің Қазақстаным» әнін шығаруына кеңестік үкіметтің қазақ жерін бөлшектеу саясаты себепкер болған.Осы ән арқылы халықтың рухы көтеріліп, еңсесі тіктелген. Шәмші бұл туралы: «Қазақ жері бөлшектелгелі жатқанда, оның асқақтығын жырлайтын Әнұран қажеттігін сездім. «Менің Қазақстаным» солай туды.Өлеңін Жұмекен Нәжімеденов жазды. Әнді радиоға Жамал Омарова жаздырды да, ол ән біздің өтінішіміз бойынша күніне бірнеше рет беріліп тұрды. Бұл менің қасиетті қазақ жерін бөлшектеуге білдірген қарсылығым еді» деп айтқан екен.Бойыңа еріксіз күш, рух беретін де осы саз.Бұл ән орындалғанда, Әнұран болмай тұрғанда да, көкіректе бір ерекше сезім оянып, орнымыздан тұрып кеткенімізді білмей қалатынымыз құпия емес.1986 жылғы Желтоқсан оқиғасында жастар алаңға осы әнді ұран етіп айтып, қасқайып тұрды. Шындығына келсек, «Менің Қазақстаным!» сол күні-ақ Әнұранға айналған болатын.2006 жылы Тұңғыш Президент Н.Әбішұлы бұл әннің сөзіне толықтырулар мен өзгерістер енгізіп еліміздің Әнұраны етіп жариялады.

Сұрақтардың көмегімен мәтінге жоспар құр. Кестеге жаз.