Балалардың жазғы демалысын ұйымдастыру мақсатында жүргізілетін жұмыс түрлері

Бүгінгі қоғамда «қиын» балалардың көбею себептерінің бірі, балалардың бос уақытының дұрыс ұйымдастырылуынан екендігі айқын болып отыр. Әсіресе балалардың жазғы демаласын сәтті өткізу үшін балалар лагерін кеңінен ұйымдастыру өмір талабы. Өсіп келе жатқан бала- лар мен жасөспірімдердің қызығушылықтары, қажеттіліктері,дүниетаным- дарының кеңдігі тәлімгерлерден жазғы балалар мен жұмыста әр түрлі іскерлік, танымдық шығармашылық ойындарды ұйымдастыра білуді қажет етеді.

Адам еңбек және қоғамдық іс - әрекет кезінде көптеген рухани және дене күштерін шығындайды. Ал бос уақыт кезінде осылардың орнын толтырады. Оқушылардың негізгі іс - әрекеті оқу болып табылады. Оқу процесі кезінде баланың дене және психикалық күштері шаршайды. Жазғы демалыс балалардың дене, психикалық күштерін шындайтын, рухани күшін байытатын, қуанышы мол, қызықты сәт. Жазғы балалар демалысын дұрыс ұйымдастыру өте маңызды мәселе.

Қазақстан Республикасының 1995 жылы 30 тамызда қабылданған Конституциясының 24 бабында:«Қазақстан Республикасының әрбір азаматы білім алумен бірге демалу құқығы» делінген. Өмір өзгеріп, заман жаңарып, еліміз дамудың жаңа жолына түскен кезде ұстаздар алдындағы міндет ауырлай түсетіні түсінікті. Басты міндеттердің бірі әрбір баланың жеке тұлға ретінде қалыптасуына және демалыс сәтінің дұрыс өтуін көмектесу.

Лагерь өмірі балаларға табиғат пен қарым- қатынас жасауға мүмкіндік беріп, өз құрбыларымен топ ұжымда өмір сүруге үйретеді.