2022 – 2023 оқу жылына арналған 0201000 «Құқықтану» мамандығы бойынша

Қызметкер жұмыста дәлелсіз себеппен 2сағат бойы болмады. Жұмыс беруші ҚР Еңбек Кодексінің 54 бабының 1 тармағы 6 тармақшасы бойынша біржақты тәртіппен еңбек шартын бұзды.

Азамат Черенков 10 сәуірде маусымдық қызметкер ретінде жұмысқа қабылданды. 16 шілде күні ол өз еркімен жұмыстан босату туралы өтініш берді. Әкімшілік шарт мерзімі аяқталғанша оны жұмыстан босатпайдындығын айтып, оның өтінішін қабылдаудан бас тартты.

Зығыр комбинаты директоры өндірістік қажетілікке байланысты сенбі күні (демалыс күні) барлық қызмткерлерге жұмысқа шығуға ұсыныс жасады. Осы үшін жыл сайынғы демалысқа қосымша күн беретіндігіне уәде берді. Қызметкерлерлің бірқатары директордың ұсынысымен келісті, бірақ көпшілігі сенбі күнгі жұмыс үшін екі есе төлеуді талап етті. Ал кейбіреулері демалыс күні жұмысқа тек үкіметтің қаулысы негізінде ғана жол берілетіндігін айтты.

Көп этажды объект құрылысында бетонды қоюды аяқтау үшін барлық бетоншыларға әкелінген бетонды толық қойып болғанша жұмыстан кетпеуге бұйрық берілді. Бұйрықты орындамағандарың жұмыстан шығарылатындығы ескертілді. Осыған байланысты барлық қызметкерлер күнделікті нормадан 4 сағат артық орындады. Өызметкерлер прорабтан бұл жұмыстарға ақы төлену тәртібін сұрады, ол бұл жұмыстардың олардың еңбек міндеттеріне жататындығын, сол себепті бұл жұмыстары үшін ешқандай ақы төленбейтінін айтты.

Ауысым бойынша жұмыс жасайтын кәсіпорында түнгі ауысымда қосымша жұмыстарды орындауға қызметкерлер санының жетіспеуіне байланысты 18 жасқа толмаған қызметкерлер тартылды.