Зерттеудің теориялық құндылығы. Зерттеу жұмысының барысында
халық қиял-ғажайып ертегілерінің концептосферасы мен дискурсын
зерттеуде дәстүрлі бағыттан тыс жаңаша талдау үлгісі ұсынылды.
Ұсынылған талдау үлгісі халық қиял-ғажайып ертегілерінің мифологияға
терең бойлайтын және тікелей қазіргі мәдени құндылықтарға әсер ететін
күрделі жүйе ретінде әрі қарай зерттелуіне септігін тигізеді. Зерттеудің
нәтижелері халық ертегілер тілін баланың қабылдауы мен ойлау жүйесіне
әсер ету, прецеденттік артефактілер мен ұлттық ырым-жоралғылардың
қалыптасу тетіктерін айқындауға үлес қосады. Зерттеу барысында
жасалынған тұжырымдамалар мен нәтижелер когнитивтік лингвистика мен
дискурс теориясының көкейкесті мәселелерінің дамуына, қалыптасуына
септігін тигізеді.
