«Мектептерде қашықтан оқытуды енгізудің құқықтық аспектілері: өз мектебімнің шеңберінде»
Нұржан Айдана, Еңбекшіқазақ ауданы
Абстракт:
Ғылыми зерттеу жұмысының мақсаты: Осы уақытта әлемде өзектілігін күннен-күнге арттырып келе жатқан қашықтан оқыту, оның әсіресе құқықтық аспектісі күрделі проблемаларына сипаттама беру. Болжамды нәтижелер: Аталған бағытта зерттеу жұмыстарын жалғастыра отырып, өзіндік азаматтық позицияны қалыптастыра отырып, ғылыми шеңберді қызықтыратын жоба ұсыну Зерттеу кезеңдері: бұл мәселені зерттеу мағлұматтарды жинаудан (онлайн форматта – Гугл-форма арқылы) басталды, жүйеленген мәліметтер кіріспе,негізгі бөлім және қорытындыдан тұратын ғылыми жоба формасын иеленді. Пайдаланған әдебиеттер тізімі және қосымша ұсынылады. Зерттеу жаңашылдығы: Білім беру үдерісінің қатысушыларының қашықтан оқытуға байланысты туындайтын үрдістерге бейімделуі әлі толық зерттелмеген. Ол тарихнамалық және дерекнамалық базадан құр алақан. Тек БАҚ құралдарында және статистика – сараптамалық мәліметтерде осы проблеманың кейбір аспектілерін айқындайтын мағлұматтар жиынтығы ғана бар. Осы себептен мәселені зерттеуде түрлі сипаттағы қиындықтарға жолықтық. Қолдан келер шарамыз, тек Қазақстандық ғалымдар осы проблемамен шұғылданар деген үмітіміз бар.
Жаңа мыңжылдық пен ғасырдың табалдырығын аттай отырып, кез келген азамат құндылықтар жүйесін қайта қарастырып, өз біліміне деген позициясын белсендіру керек. Ғаламтану үрдісі және жас мемлекетіміздің әлемдік қауымдастықтың мүшелігіне қабылдану барысында қашықтан оқытудың дамуының сапалы жаңа баспалдағына өту керек. Ең алдымен бұл баспалдақ заңды әрі жоғары сапасымен анықталады. Біз ұсынылған жұмыстың әлі де шикі екендігін, оны қайта қарауды, түбегейлі зерттеуді талап ететіндігін терең түсінеміз. Мәселе аясының ауқымдылығы одан да маңызды, себебі оның нәтижелері білім беру үдерісінің қатысушаларының қашықтан оқытуға жемісті адаптациясына бағытталған шаралар кешенін ұйымдастыруға көмек беруі мүмкін.
Бұл мәселені ғылыми тұрғыда зерттеу болашақтың еншісінде.
