Адамның иммунтапшылық вирусы инфекциясы және жұқтырылған иммунтапшылығының синдромы (АИВ/ЖИТС) — адамның иммунтапшылық вирусы (АИВ) қоздырған инфекцияның организмге әсерінен дамитын дертті жағдай. Инфекция жұқтырған адамда ешбір ауру белгілері байқалмауы не қысқа мерзімді тұмау тәрізді синдром белгілері пайда болуы мүмкін. Әдетте, инфекцияның симптомсыз кезеңі ұзаққа созылады. Ауру үдеген жағдайда адамның иммунды жүйесі әлсіреп, туберкулез секілді көп кездесетін, сондай-ақ иммунитет қызметі қалыпты адамдарда бола бермейтін оппортунис инфекциялар мен ісіктер пайда болуы мүмкін. Инфекцияның аталған кеш белгілерінің жиынтығын жүре пайда болған иммунитет тапшылығы синдромы (ЖИТС) деп атайды. Әдетте, бұл саты адамның өте қатты жүдеуімен қатар жүреді.
Пайдаланылған әдебиеттер
Л. Б. Борисов Медицинская микробиология, вирусология, иммунология 3 изд., М., 2002.
Н. Д. Ящук, Ю. Я. Венгеров Инфекционные болезни - М.: Медицина, 2003.
Медицинская микробиология,вирусология,и иммунология.Под.ред.Академика РАМН Зверева В.В.,профессора Бойченко М.Н.-Москва,ГЭОТАР-Медиа,2010.1-2 т.
Байдүйсенова Ә.Ө.Клиникалық микробиология оқу құралы/Ә.Ө.Байдүйсенова,-Алматы:Эверо,2014.-124 б.
