Ахмет Байтұрсынұлының өлеңдері мен мысалдарын мәнерлеп оқу сайысы Мақсаты
жүктеу/скачать 26,88 Kb.
|
|
Ахмет Байтұрсынұлының өлеңдері мен мысалдарын мәнерлеп оқу сайысы Мақсаты: Ұлтымыздың біртуар азаматы, өз халқының айнасы болған ұлы қоғам қайраткері, ақын, ұстаз, ағартушы ғалым Ахмет Байтұрсыновтың өмірі мен шығармашылығын насихаттау. Оның туған халқы үшін аянбей еткен еңбегін дәріптеу, ұрпаққа үлгі ету. Мұғалім: Армысыздар, құрметті ұстаздар мен оқушылар! Есенсіздер ме, жаны поэзияға құмар жас достар! Бүгін біз қазақ халқының біртуар ұлы Ахмет Байтұрсыновтың туғанына 150 жыл толуына орай ұйымдастырылып отырған 5» сыныптар арасында өткізілетін Ахмет Байтұрсынұлының өлеңдері мен мысалдарын мәнерлеп оқу сайысына жиналып отырмыз. Қазақ халқының мақтанышы, ғалым, ұстаз, қоғам қайраткері Ахмет Байтұрсынұлына арналған кешімізге қош келдіңіздер! «Күніне бір өлең оқыған адам- ақын, айына бір өлең оқыған адам -адам»-, депті бір данышпан. Бәрімізге бірдей ақын болу міндет болмағанымен, адам болу-парыз. Жүректен шыққан сөз ғана жүректерге жетеді. Осы кеште А.Байтұрсынұлы өлеңдері мен оның мол мұрасы жандарыңызды жылытып, жүректеріңізді тербетеді деген ойдамыз.Ендіше, Ахмет өлеңдері мен мысалдарын жатқа мәнерлеп өлең оқудан байқауымызды бастаймыз! Мұғалім: Жүректен өлең төгіп, қосқан жырға, Тұлпардай топтан озған жүйрік тұлға. Қошеметтеп, көрермен, қол соғыңдар, Сайысқа қатысушы оқушыға,- дей отырып, сахна төріне сайысқа қатысушы сайыскерлерімізді шақырамыз. Мұғалім: -Сайыскерлер, бұл сайыс болғандықтан жеңіс пен жеңіліс аралас келеді. Осы сайысымызды әділ бағалап, жеңіс тұғырына лайықты деп санай білетін әділ төрешілерімізді таныстырып өтейін: Мұғалім: Иә, Ахмет - қазақ әдебиетінде өзіндік орны бар дарынды ақын, өзіндік дара болмысын танытқан мысалшыл,қазақ тілінің әліппесі мен оқулықтарының авторы, жаңашыл ағартушы. Ол шын мәніндегі нағыз күрескер-демократтық поэзияның негізін қалап, азаттыққа ұмтылған, азаматтық жыр үлгісін жасаған халқының қалаулы азаматы. "Қазағым, елім!",-деп,өз ұлтының бостандығы мен тәуелсіздігі жолындағы күресте бұқараның жүрегіне қозғау салып,ұйқысынан оятты. Жалынды күрескер-патриот, қазақ ғылымы мен мәдениетінің жарық жұлдызы, ғалым,сегіз қырлы, бір сырлы: ақын, публицист, сыншы, әдебиеттанушы,тіл ғылымының атасы, мысалшы,аудармашы, педагог, қоғам және мемлекет қайраткері – Ахмет Байтұрсынов есімі халық есінде мәңгі сақталады. Бүгінгі сайысымыз 2 кезеңнен тұрады: «Мәнерлеп оқу» кезеңі «Сұрақ-жауап» кезеңі Қатысушылардың нағыз әдебиетке деген құмарлығын сынап, өлеңге деген махаббатын сезінетін, жүрек тебіренетін сайсымыздың алғашқы кезеңін бастаймыз! Мәнерлеп оқу байқауы
Мұғалім: Ахметтің өз өлеңдер жинағын «Маса» деп атауы да тегін емес еді. Ол ұйқыда, саясаттан тыс жатқан надан халқының құлағына маса боп ызыңдап оятуды ойлады. Ақаң түрлеген ана тілі, Ақаң салған әдебиеттегі елшілдік ұраны, “Қырық мысал”, “Маса” еңбегі, “Қазақ” газетінің 1916 жылдағы қан жылаған қазақ баласына істелген еңбегі, өнер-білім, саясат жолындағы қажымаған қайраты біз ұмытқанда да тарих ұмытпайтын істер болатын. Оны жұрттың бәрі де біледі. Бұның шындығына ешкім дауласпайды жүктеу/скачать 26,88 Kb. Достарыңызбен бөлісу:
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||