Көбінде биофильтрлер тұрмыстық-шаруашылық қалдық сулар және өндірістік ағын суларды тазалау үшін қолданылады. Мысалы, канифольды-экстракциялық заводында 1,5м биіктіктегі тамшылы биофильтрлерде аэрация процесі арқылы ағын сулар тазартылған. Осы ағын сулардың ластану концентрациясы 320-580 мг/дм, ал тазартылған ағын суларында 25 мг/дм аспады. Тамшылы биофильтрлерде тотығу ықпалдығы тәулігіне 1 м3-қа 400-580г аралығында болды. Биофильтрдің 4м биіктігінде ағын сулардың тазалану дәрежесі 250-25 мг/дм аралығында ауытқыды, ал тотығу ықпалдығы 1м 3 7-9г аралығында ауытқыды. Белсенді лай ценозының құрылуына мезгілдік температураның өзгеруі, оттегімен байытылуы, минералды компаненттердің болуы әсер ете алады. Осының барлығы лайдың құрамын күрделендіреді және ол қайта қалпына келе алмайды. Тазарту қондырғыларының жұмыс эффективтілігі, сонымен қатар ағын судағы микроорганизмдердің концентрациясына және белсенді лай сақлалу уақытына байланысты болады. Қарапайым аэротенктерде белсенді лайдың концентрациясы 2-4 г/л аспайды
