Омардың бір яһудиге ақшалай сыйлық беруі

Абдуллаһ ибн Әбу Хадрад әл-Әсләми (р.а.) айтады: 

«Бірде Омармен (р.а.) бірге Жабияға келдік. Діні басқа, 

сенімі  бөлек  бір  қарт  адамның  қайыр  сұрап  жүргенін 

көрдік.  Омар  былайғы  жұрттан  оның  жағдайын,  кәрі, 

әлжуаз  адам  екенін  сұрап  біледі.  Омар  оны  салық 

міндетінен  босатады.  Жабия  басшыларын:  «Сендер 

оған  дені-қарны  сау,  күш-қуаты  бар  кезінде  жизия 

төлеттіңдер, ал қартайып, күш-қуаты кеткенде, қарамай 

қайыр тілетіп қойдыңдар, солай ма?» – деп айыптады. 

Сөйтті де әлгі қарт адамға қазынадан он дирхам ақша 

бөлгізеді. Кейін білдік, сөйтсек, ол кісінің қарамағында 

жас балалары да бар екен».

 471