Қайыржан: Мына «атқыш» пен «сатқыш» тан құтылмайтын болдық ау.
Қанат: Құдай мен мұғалімнің маңдайымызға жазғаны осылар болар.
Қайыржан: Қой, жаман сөз айтпа. Осылардың аттарын әке шешелері дұрыс қоймаған. Біреуі бірдеңе айтпаса, біреуі сайрамаса тұра алмайды.
(би басталады. Гүлзат вальстің қимылдарын көрсетеді. Қанат үйрене алмаған сыңай танытып Айткүлдің аяғын қайта қайта басып кетеді. Қатты айналдырып құлата жаздайды.)
Айткүл: Мұғалім, мені Мерқұрмановпен билегім келмейді.
Қанат: Менің де Айткүлмен билегім келмейді.
Гүлзат: Қателесесіңдер, екеуің жақсы жарасып тұрсыңдар, әлі ақ үйреніп кетесіңдер. Қане, былай, былай..
(Қайыржан да билей алмаған болып Сайраны әуреге салады.) Сайра: Апай, мен басқа біреумен билейінші. Мына Қабыланбеков түк билей алмайды.
Қайыржан: Өзің қара. Кеуіп қалған ағаш секілді майыса алмайсың.
Қанат: Осы «атқыш» пен «сатқыш» тан биші шықса мұрынымды кесіп берейін.
Сайра: апай, мыналар бізді мазақтап жатыр.
Айткүл: Мерқұрманов менімен емес, өзінің «К» сы мен билегісі келіп тұр.
Гүлзат: Қойыңдар енді. Әр қайсыңа жеке жеке үйретемін.
Қанат: Қайыржан, маған бір ой келіп тұр. Апайдан би үйрену үшін ең соңында мен қалайын. Өтірік үйрене алмаған болып біраз қасында жүре тұрамын.
Қайыржан: Сырттарыңнан білдірмей жауып кетейін бе?
Гүлзат: Қой ең ұяламын.
Гүлзат: Алғашқы нәтиже жаман емес. Үйренгендер біртіндеп үйлеріңе кете беріңдер. Айткүл, Сайра екеуің берірек келіңдер. Қыздар, өздеріңе қараңдаршы. Қандай әдемісіңдер. Жақсы оқисыңдар. Бірақ қылықтарың мен мінездерің өздерің жараспайды. Байқаыңдар ма, қыз балалар ұлдарға қарағанда ертерек есейеді. Сыныптас құрбыларыңның барлығының бойынан бойжеткенге тән белгілер байқалады. Тек екеуің ғана жастарыңа сай келмейтін мінез көрсетесіңдер. өздеріңді бойжеткен қыз сезінетін заңы. Он жеті жастың өз сұлулығы бар.
