Анатомия – 120 ом
Жұлынның сыртқы құрылысы. Жұлын ішкі құрылысы
жүктеу/скачать 331,08 Kb.
|
Анатомия
| 101.Жұлынның сыртқы құрылысы. Жұлын ішкі құрылысы
Жұлын (medulla spіnalіs) - омыртқа жотасының өзегінде (canalis vertebralis) ішінде орналасқан орталық жүйке жүйесінің бір бөлігі. Сыртқы құрылысы; Мойындық буылтық (intumescentia cervicales) – қол мен кеуденің иннервациясын қамтамасыз етеді ;5-ші мойын мен 1-ші кеуде сегменті аралығында орналасады. Бел-сегізкөздік буылтық (intumescentia lumbosacralis) – аяқ пен жамбастың иннервациясына жауап береді; 12-ші кеуде мен 3-ші сегізкөз сегменті аралығында орналасады Ми конусы (conus medullaris) – жұлынның жіңішкерген төменгі бөлігі Соңғы жіп (filum terminale) – жіпшелер; ми конусынан бастап 2-ші құйымшақ омыртқасы аралығында жатады Алдыңғы орталық саңылау (fissurs mediana anterior) – саңылау тәрізді жүлге; жұлынның алдыңғы бетінде орналасады Артқы орталық жүлге (sulcus medianus posterior) – жұлынның артқы бетінің ортасында орналасқан Алдыңғы бүйір жүлге (sulcus lateralis anterior) – жұлынның алдыңғы түбіршегі осы жерден шығады Артқы бүйір жүлге (sulcus lateralis posterior) – жұлынның артқы түбіршегі осы жерден кіреді Жұлында 124 түбіршек бар: 62 артқы (radix dorsalis) – жұлынға бағытталып артқы бүйір жүлге арқылы кіретін псевдоуниполярлы нейрондардың орталық өсінділеодің жиынтығы; 62 алдыңғы (radix ventralis) –алдыңғы мүйізде орналасатын қимыл нейрондардың аксондарының жиынтығы. Бұл түбіршектерден 31 жұп жұлын нервісі түзіледі. Ішкі құрылысы: Жұлын сұр және ақ заттектен тұрады. Сұр заттек (substantia grisea) – пішіні көбелек тәрізді , жұлынның ортаңғы бөлімінде орналасқан, шартсыз рефлекстерді қамтамасыз етеді. Сұр заттек: алдыңғы мүйіз (cornu anterior) – эфферентік нейрондардан түзілген, алға бағытталған жалпақ қысқа бөлік артқы мүйіз (cornu posterius) – cезім қабылдайтын ядролары орналасқан, сұр заттектің артқа бағыттала орналасқан ұзын жіңішке бөлігі, оның: ұшы (apex cornu posterioris), басы (caput), мойыны (cervix), негізі (basis) бар. бүйір мүйіз (cornu laterale) – вегетативті симпатикалық ядролары бар, жұлынның C8-L3 сегменттерінде орналасады. Аралық заттек (substantia intermedia) – орталық бөлік; медиалді аралық ядро, үшкіл нервінің жұлындық ядросы, қосымша нервінің жұлындық ядролары орналасқан. Ақ заттек – нерв клеткаларының өсінділерінен тұрады. Алдыңғы жіпше (funiculus anterior) – fissure mediana anterior және sulcus anterolateralis-пен шектеледі Бүйір жіпше (funicilus lateralis) – sulcus anterolateralis және sulcus posterolateralis-пен шектеледі Артқы жіпше (funiculus posterior) – sulcus medianus posterior – sulcus medianus posterior және sulcus posterolateralis-пен шектеледі Бұл жіпшелер өзара байланыса отырып, жұлынның өткізгіш жолдарын құрайды. Өткізгіш жолдар арқылы жұлынның ядролары және ми екі жақты байланыс құра алады. жүктеу/скачать 331,08 Kb. Достарыңызбен бөлісу:
|