53. 1928 жылдың соңында «буржуазиялық ұлтшылдар» атанған – «Алашорданың» бұрынғы қайраткерлерінің 44 адам тұтқындалды [2,148б].
54. 1937 жылы БК (б) П ОК-нің И.В. Сталин мен оның айналасындағылардың «халық жаулары және олардың құйыршықтарын түп-тамырымен жоюдың» қажеттігі жөніндегі нұсқауы барлық жерде қолдау тапты. Қоғамдық сананы басқа бағытқа бұрудың нәтижесінде бүкіл елде (оның ішінде Қазақстанда да) өткен бұқаралық митингілерде халық сотталғандардың орындығына отырған Н. И. Бухарин, А. И. Рыков т.б.-ды өлім жазасына кесуді талап ете бастады [2,149б].
55. 1920-1950 жылдардағы заңсыз қуғын-сүргіннің айнымас серігі – мемлекет және оның қызмет иелері мен органдарының қарапайым адам құқықтарын жаппай өрескел бұзу, аяққа таптау болды [2,149б].
