472. 2007-2008 оқу жылы республика мектептері 1-11-сыныптарға арналған жаңа буын оқулықтарымен және оқу-әдістемелік кешенімен толық қамтамасыз етілді.
473. 2004 жылы «Қазақстан Республикасының 2015 жылға дейінгі білім беруді дамыту тұжырымдамасы» қабылданды.
474. 1992 жылдың қыркүйек, қазан айларында дүниежүзі қазақтарының құрылтайы өтті.
475. Дүниежүзі қазақтары құрылтайының мәнді оқиғасы 1992 жылдың 19 қыркүйегінде Алматыдағы Абай атындағы опера және балет театрында өтті. Онда «Қазақтар: кеше, бүгін және ертең» атты тақырыппен ашылған ғылыми конференция болды.
476. 1997 жылдың соңында Президент Н. Назарбаев 2030 жылға дейінгі Қазақстанның даму стратегиясын анықтап, онымен халықты таныстырды.
477. Республика президентінің 1995 жылғы қыркүйектегі Жарлығы бойынша, ел астанасының Ақмолаға көшетіндігі хабарланды.
478. 1998 жылғы маусымда салтанатты жағдайда жаңа астананың тұсаукесер рәсімі өтті. Елдің жаңа ордасы Ақмола енді Астана болып аталатын болды.
479. 1999 жылы ЮНЕСКО Астананы «бейбітшілік қаласы» деп атады.
480. 1999 жылы қаңтардың 10-ында Қазақстан Президентін мерзімінен бұрын сайлау өткізілді.
481. 1995 жылғы референдумның нәтижесі бойынша Н. Назарбаевтың президенттік қызметі 2000 жылға дейін созылды.
482. 1998 жылы Конституцияға Парламенттің шешімімен өзгерістер енгізілді.
483. 1998 жылдың қазанынан 1999 жылдың қаңтарының басына дейін созылған сайлау алдындағы науқан ел өміріндегі ірі саяси оқиға болды.
