Анықтамалық көмекші құралы Ұлттық бірыңғай тестілеуге дайындық үстіндегі жоғарғы сынып оқушыларына және талапкерлерге арналып отыр

«Қазақстан тарихы (1914-2012 ж.ж.) анықтамалық көмекші құралы Ұлттық бірыңғай тестілеуге дайындық үстіндегі жоғарғы сынып оқушыларына және талапкерлерге арналып отыр.

ҰБТ-ға кіретін міндетті Қазақстан тарихы пәнінің мұғалімі ретінде өз пәнімді оқушыға жеңіл және түсінікті, қызықты жеткізуді, ҰБТ-ға 11 сыныпқа дейін-ақ бейімдік дайындықты бастау керектігін ұғындыруды мақсат етіп қойып, өз жобамды ұсынып отырмын. Мектеп оқушысының білімдік деңгейін анықтайтын жүйе ретінде ҰБТ енгізілуі ата-анада алаңдаушылық, балада және ұстаздарда жауапкершілік пен күмән туғызып отырғандығы рас. Әрбір ата-ана баласының жоғарғы оқу орнына түскенін қаласа, ұстаздар оқушысының ҰБТ-да жоғары балл алуы үшін тер төгіп жататындығы өмір шындығына айналды. Аталмыш әдістемелік құралды әзірлей отырып, ҰБТ тапсыруға ниеттенген жоғарғы сынып оқушыларын бейімді түрде дайындауға үлес қосамын деген ойдамын.

Қазақстан тарихы пәнінің қазіргі заман кезеңі Қазақстан тарихының төртінші кезеңі болып табылады. Хронологиялық шеңбері – 1914 жылдан қазіргі күнге дейін. Бұл құралда мезгілдік сипатына байланысты Қазақстан тарихының қазіргі заман кезеңін жүйелі түрде кезеңдеу әлі шешілмеген. Бұның себебі аталмыш уақытты кәсіби түрде зерттеп, жалпылама шолу жасаушылар аз. Дегенімен ғылыми ортада қадамдар бар. Соның негізінде тарихи оқиғаларды дәуірлік сипатына қарай топтастырдық.

Бұл әдістемелік-көмекші құралда Қазақстан тарихының қазіргі заман кезеңінің ең маңызды оқиғаларының барысы хронологиялық тізбек арқылы әр кезең тақырыптарына қарай бірыңғайластырып, елді мекен атаулары және тұлғалар есімдері мезгілдік тұрғыда жүйелі түрде берілген. Әдістемелік құралды пайдалана отырып тест тапсырмаларын шешудің жолдары көрсетілген.

Әдістемелік-көмекші құралдың мазмұндық құрылымы жоғарғы сынып оқушыларының, мектеп бітіруші түлектердің өз бетімен дайындалуына мүмкіндік береді.