175. 1986 жылғы желтоқсандағы қазақ жастарының бой көрсетуі ұлтшыл сипатта емес және өзінің бастапқы кезеңінде құқыққа қарсы сипатта да болған жоқ [2, 271б].
176. 1990 жылғы 24 қыркүйектегі Қазақ КСР Жоғарғы Кеңесі Президиумының қаулысында бейбіт және аз санды наразылық шеруінің жаппай тәртіпсіздіктерге ұласуы республика басшыларының саяси дәрменсіздігінен, олардың шиеленіскен жағдайдан бейбіт жолмен шыға алмағандығынан және олардың ақыл-ой мен ізгі ниетке емес, күшке арқа сүйеуінен болғандығы атап көрсетілді [2, 271б].
177. 1987 жылы шілдеде КОКП ОК қабылдаған «Қазақ республикалық партия ұйымдарының еңбекшілерге интернациналдық және патриоттық тәрбие берудегі жұмыстары туралы» қаулыда 1986 жылғы Алматы қаласындағы желтоқсан оқиғасы «қазақ ұлтшылдығының көрінісі» ретінде бағаланды [2, 272б].
178. 70-жылдары Кеңестік құрылысты барынша сынағандардың ішінде Югославия коммунистерінің бұрынғы басшыларының бірі талантты философ Милован Джилос болды [2, 277б].
179. 1990 жылдың шілдесінен 1991 жылдың маусым айының аралығында қазақ тіліндегі балабақшалар 482-ге көбейіп, олардың бүкіл республикадағы саны 1677-ге жетті [2, 281б].
