113. 1929 жылдың екінші жартысынан бастап республикада ұжымшар құрылысы жедел жүргізілді. Алғашқы машина-трактор станциялары (МТС-тер) құрылды.
114. 1932 жылдың ақпанында, Шу ауданында аумағы 150 шақырым жерден жүздеген шаруашылықтар жиналып, 400 киіз үй «қала үлгісіндегі поселке» болып құрылды.
115. 1929-1933 жылдар аралығында Қазақстан жөніндегі Біріккен Мемлекеттік Саяси басқарма (БМСБ) уәкілетті өкілдігінің үштігі толық емес деректер бойынша 9805 іс қарап, 22933 адам жөнінде шешім қабылдаған. Солардың ішінде 3386 адамға ең ауыр жаза – ату, 13151 адамға 3 жылдан 10 жылға дейінгі мерзімге концентрациялық лагерьге қамау жөнінде үкім шығарылды.
116. 1930-1932 жылдары аштық етек алды. Аштықтан, түрлі індеттерден халықтың 40 %-ы қырылды.
117. 1931-1933 жылдары республиканың 6,2 млн тұрғының 2,1 млн-ы аштықтан қырылды. Оның ішінде, қазақтан басқа халықтың шығыны – 0,4 млн адам.
118. 1933 жылғы 1 қаңтарында 40,5 млн малдың 4,5 млн-ы ғана қалды.
119. 1932 жылғы шілдеде республика қайраткерлерінің бір тобы – Ғ. Мүсірепов, М. Ғатауллин, М. Дәулетқалиев, Е. Алтынбеков, Қ.Қуанышев аштық және оның себептері туралы БК(б) П Өлкелік комитетіне, тікелей Ф. Голощекинге ашық хат жазды. Бұл тарихта «Бесеудің хаты» деп аталды.
