Атығаева Бахытгуль 15 тамыз 1989 жылдан бастап қазақ тілі мен әдебиеті пәнінің мұғалімі қызметін атқарып келеді. Осы мектепте жұмыс жасай жүріп, өз мамандығын сүйе білген ұстаз оқушылар жанынан орын таба білуде
Атығаева Бахытгуль 15 тамыз 1989 жылдан бастап қазақ тілі мен әдебиеті пәнінің мұғалімі қызметін атқарып келеді.Осы мектепте жұмыс жасай жүріп, өз мамандығын сүйе білген ұстаз оқушылар жанынан орын таба білуде.Мұғалімнің негізгі мақсаты — оқушылардың шығармашылық қабілетін, өздік танымдық біліктілігін дамыта отырып, білім сапасын арттыруды ұйымдастыру.Сабақ беретін сыныптарында қабілетті және үлгерімі төмен оқушылармен арнаулы іс-жоспары бойынша жеке жұмыс жүргізіп, саралап, даралап оқытуда. Елімнің болашағы деп үміттенетін бүгінгі жас ұрпаққа білім нәрін сеуіп, еңбексүйгіштік пен адамгершілікке тәрбиелеп, білімі мен өнегесін кішкене бүлдіршіндерге арнап, бойындағы бар күш-жігерін шәкірт тәрбиелеуге жұмсайды.
Сонымен қатар ол мектептегі қоғамдық жұмыстарға да белсене араласады. Ұжым ортасында беделді, адамгершілігі мол, мінезі ашық. Ұжыммен тіл табысқыш, ибалы, кішіпейіл, қарапайым ұстаз.Өзіне айтылған сынға дұрыс көзқарас білдіріп, қорытынды шығаруға тырысады.Мұғалім жаңа оқу тәрбие әдістерінен хабардар болып қана қоймай оны шығармашылықпен қолдана біліп, өзінің іс-тәжірибесінде жақсы нәтижелерге қол жеткізуде.
