«Қазақ әдебиеті» пәнінен (оқыту қазақ тілінде) тоқсандық жиынтық бағалаудың спецификациясы

жүктеу/скачать 76,16 Kb.

бет	7/9
Дата	28.10.2023
өлшемі	76,16 Kb.
	#120943

1 2 3 4 5 6 7 8 9

Байланысты:
«Қазақ әдебиеті» пәнінен (оқыту қазақ тілінде) тоқсандық жиынтық-emirsaba.org

Балл қою кестесі

№

Жауап

Балл

Қосымша ақпараттар

Негізгі идеясына талдау жасайды;

Бүгінгі заман шындығымен байланыстырады;

Ойын дәлелдейді;

Көркемдік ерекшелігін талдайды;

Қолданысын түсіндіреді;

Идеясымен байланыстырады.

Ойды болжайды;

Шығармашылық танытады;

Жүйелі жеткізеді;

Мәселені анықтайды;

Бүгінгі өмірмен салыстыра отырып бағалайды;

Өзіндік көзқарасын аргументтермен дәйектейді;

Логикалық қорытынды жасайды;

Сауаттылығын көрсетеді, эссе құрылымын сақтайды.

3-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Тоқсан бойынша жиынтық бағалауға шолу

Ұзақтығы – 45 минут
Түсіну және жауап беру – 10 минут
Анализ және интерпретация – 15 минут
Бағалау және салыстыру – 20 минут
Балл саны – 30

Тапсырмалар түрлері:
Бір және көп таңдауы бар сұрақтар
Қысқа жауапты қажет ететін сұрақтар
Толық жауапты қажет ететін сұрақтар

Жиынтық бағалаудың құрылымы
Тоқсандық жиынтық бағалаудың нұсқасы 3 бөлімнен тұрады: бірінші бөлім – түсіну және жауап беру, екінші бөлім – анализ және интерпретация, үшіншісі – бағалау және салыстыруды тексеруге арналған.

Тоқсандық жиынтық бағалау тапсырмаларының сипаттамасы

*Тапсыр ма	Қамтылатын мақсаттар	Тапсырма түрлері	*Тапсырмалар сипаттамасы	*Орындау уақыты, минут		Балл
1-5	11.1.1.1 әдеби шығармаға сюжеттік-композициялық талдау жасау арқылы жанрлық ерекшелігін түсіну 11.1.3.1 көркем шығармадағы кейіпкерлер жүйесін жинақтау мен даралау арқылы өмір шындығын көрсету	Жауап нұсқаларынан бір дұрысын таңдау/жабық сұрақтар	Тапсырма жеке орындалады. Оқушылар оқыған шығармалары негізінде берілген сұрақтарға жауап береді.	10		5
6-8	11.2.1.1 әдеби шығарманың жанрына қарай композициялық ерекшеліктерін айқындау 11.2.2.1 шығармадағы авторлық идеяның өмір шындығымен байланысын анықтау 11.2.3.1 шығарма идеясы мен көркемдегіш құралдардың байланысын талдау	Толық жауапты қажет ететін сұрақ тар	Оқушылар оқыған шығармалары негізінде берілген сұрақтарға жауап береді.	15		15
9	11.3.4.1 шығарманы идеялық жағынан мазмұндас туындылармен салыстыра отырып, әдеби сын жазу	Жазбаша толық жауапты қажет ететін сұрақтар	Берілген тақырыпқа көзқарасын дәлелдеп, жазба жұмысын жазады.	20		10
Барлығы					45 минут		30

«Қазақ әдебиеті» пәнінен 3-тоқсан бойынша жиынтық бағалау тапсырмалары

«Ғасырлық туынды» бөлімі
Шығармалар: М. Әуезов «Абай жолы» роман-эпопеясы 1, 2-том

1-БӨЛІМ
1. «Абай жолы» романындағы Абай әрекетіне байланысты оқиғаларды бөлімдерімен сәйкестендіріңіз.

Эпопеяның негізгі бөлімдері	Абай іс-әрекеті
“Жолда”	А) Әке қолындағы қаннан үріктім, қатты шошыдым. Ауырып қалдым. Аналардың жылуын сездім.
«Шытырманда»	В) Шөже өнеріне сүйсінеді, әрі әкесі үшін қатты ұялады. Шындықты мойындайды.
“Қат-қабатта”	С) Алғаш рет әкесінің қаталдығына қарсы шығады.
“Қайтқанда”	D) Тоғжанды сүйе тұра, ескілікке қарсы шыға алмайды.

[1]
2. Қодар мен Қамқаны жазалаудағы Құнанбай шешімін көрсетіңіз.

А) Өздеріне өзі жаза кессін.
В) Айналадағылардың пікірін тыңдау керек
С) Ел қорлаған сұмдыққа, ел көрмеген жаза керек
D) Бұндай сұмдықтың ойлан шығарған адамды өлімге кесу
[1]
3. «Ғашықтың тілі – тілсіз тіл» өлеңінің шығуына арқау болған не?

А) Абайдың Тоғжанға ғашық болуы

В) Абайдың Әйгерімге деген ыстық махаббаты
С) Әмір мен Үмітей арасындағы жалындаған махаббаты
D) Біржан салдың қонақ болып жатқан кездегі бір кештегі думан
[1]
4. Кәмшатты Бөжейге берудің мәні немен байланысты?

А) Құн төлеу

В) Атастыру
С) Туыстасу
D) Баласы болмағандықтан
[1]
5. Абайдың әжесі Зере арқылы көрінетін құндылықтарды анықтаңыз.

А) Сабырлық иесі, адуынды ене

В) Кәрі ана, жылы құшақ, қатал мінез
С) Көне көз, мейірім құшағы, даналық мектебі
D) Ақылшы ана, көпті көрген, құлағының мүкісі бар
[1]

2-БӨЛІМ
6. Шығармадағы Абай бейнесіне талдау жасаңыз.

Бала Абай	Бозбала Абай	Кемелденген Абай

[5]
7. Құнанбай баласы Абайға қандай үш мін тақты? Өз көзқарасыңызды білдіріп, талдаңыз.

__________________________________________________________________________________________________________________________________________
[5]
8. «Бұл үйге, әсіресе, өзгеше көктем нұрын енгізген бір жан бар. Ол Сүйіндіктің қызы – Тоғжан. Абай келгеннен бері Тоғжан үлкен ағасы Асылбектің отауынан осы үйге бірнеше рет келіп кетті. Сылдырлаған шолпысы, әлдеқандай былдырлаған тілменен Тоғжанның келері мен кетерін паш етеді. Құлақтағы әшекей сырғасы, бастағы кәмшат бөркі, білек толған неше білезіктері – баршасы да бұл өңірден Абайдың көрмеген бір сәні сияқты. Толықша келген, аппақ жүзді, қырлы мұрын, қара көз қыздың жіп-жіңішке қасы да айдай боп қиылып тұр. Қарлығаш қанатының ұшындай үп-үшкір боп, самайға қарай тартылған қас, жүрекке шабар жендеттің жебесіндей».

Автордың Тоғжан бейнесін сипаттауда қолданған көркемдік құралдарына тоқталып, тіліне талдау жасаңыз.

__________________________________________________________________________________________________________________________________________________________________
[5]
3-БӨЛІМ

9. «Абай жолы» - ғасырлық туынды. Төрт томды эпопеялық көлемді роман қазақ қоғамының ғасырлық, әлеуметтік, тұрмыстық, отбасылық ғұмырын мейлінше дәл, айқын, адал бейнелейді. Біз шығармадан мәңгілік толас таппайтын жақсылық һәм жамандықтың, ізгілік пен зұлымдықтың шайқасын көреміз, рухани қорымызды байыта түсеміз. Абайдың өмірінен үлгі аламыз. Мұхтар Абайдың жеке басына түскен қиындықтан, жеке бас трагедиясынан халық трагедиясын көтере білді. Данышпан Абайдың бала, жас Абайдан хәкім, дана Абайға дейінгі өмір кезеңін қамтитын бұл шығарманың қазақ әдебиетінен алар маңызы зор»

https://massaget.kz/okushyilarga/
Берілген пікірмен өз ойыңызды байланыстыра отырып, Абай бейнесін берудегі автордың шеберлігіне баға беріп, әдеби сын жазыңыз. Идеясы жағынан мазмұндас туындылармен салыстырыңыз.

__________________________________________________________________________________________________________________________________________

[10]

жүктеу/скачать 76,16 Kb.

Достарыңызбен бөлісу:

1 2 3 4 5 6 7 8 9