«Сөйлесейік» айдарымен берілген тапсырма оқушылардың үйренген сөздерін қолданып сөйлеуіне мүмкіндік береді. Оқушылар меңгерген барлық сөздерін белсенді қолдана білуіне мұғалім жетекшілік етеді.
«4.2.5.1 *шығарманың кейіпкері туралы пікірлерді (менің түсінігім бойынша, ... оның пікірінше, ... оның айтуынша, ... кейбір адамдардың ойынша, ...) салыстыра отырып бағалау» атты оқу мақсаты орындалады.
Балалардың орындауына берілген оқулықтың соңғы «Ойланайық» айдарының тапсырмасы да оқушының айтылым дағдысын қалыптастыруға арналып құрастырылған. Балалар осы тапсырманы орындау барысында өзгелермен немесе өзге топтармен білім жарыстыруына болады. Тапсырманың дұрыс жауабы мынадай:
Тігінен:
«Біреу» сөзінің мағынасы – жалғыз.
Айналаны қарау – бақылау.
Қасқырлар тобының басқаша атауы – үйір.
«Жас» сөзіне қарсы мәндес сөз – кәрі.
Қасқыр терісінен тігілетін киім – тон. Көлденеңінен:
Дала жануарының басқаша атауы – жабайы.
«Тамақтану» сөзімен мәндес сөз – қоректену.
Қасқыр қандай аң – ақылды.
Қасқырдың табанынан қалған сурет немесе таңба – із.
Қор. бөлім
Сабақты қорытындалау барысында оқушылардан осы сабақта не туралы оқығанын, жалпы сабақтан не үйенгенін мұғалім сұрап қорытады. Оқушылар өз ұсыныстарын айтып, алған әсерлерімен бөліседі.
