Кері байланыс: Оқушылардың жауаптарын мұқият тыңдау, мадақтау. Қысқа жауаптарды да қабылдау. Жауап беруге талпыныс жасаған оқушыға қолдау көрсету. Осы тапсырманы орындау барысында 4.3.1.1 мәтінді іштей түсініп және қажетті ақпаратты тауып/шолып/белгі қойып оқу мақсаты жүзеге асырылады.
4 мин
«Оқиық және жауап берейік» айдарындағы тапсырмада оқушылар оқулықтағы берілген сұрақтарға жауап береді. Бұл тапсырманы орындап болған соң «сұрақты өзгерт» ойынын ойнайды. Оқушылар оқулықта берілген сұрақтарды басшылыққа ала отырып, өздері сұрақ құрастырады. Тапсырма топта орындалады. Қай топ бірінші дайын болса, сол топ өз сұрақтарын келесі топтарға қояды. Оқушылар бір- бірін «Басбармақ» әдісі бойынша бағалайды. Оқушыларға сұрақ құрастыру үшін мұғалім алдын ала дескрипторлар таратып береді.
3 мин
«Жасайық» тапсырмасын орындау үшін оқушыларға үй жасау үшін қажетті құралдар беріледі. Оқушылар өздеріне берілген түрлі түсті қағаз, қатырғықығаз, желім, қайшыны пайдалана отырып үй жасайды. Бұл тапсырма оқушыларды шығармашылыққа баулиды, қызығушылығын оятады. Үй жасап болған соң, оқушылар өздерінің үйлерін таныстырып, кері байланыс орнатады. Оқушыларға бұл тапсырманы орындау үшін мұғалім алдын ала уақыт белгілейді.
Осы тапсырманы орындау барысында 4.2.3.1 белгілі бір тақырыпта сұхбаттасу барысында шағын мәліметті (4-5 сөйлем) баяндау, кері байланыс орнату, сөйлеу стилін сақтау, дауыс ырғағын келтіріп сөйлеу мақсаты жүзеге асады.
