Қазақ тілі лексика, фонетика, морфология мен синтаксис

Ғ.Әбуханов. Н. Есімбеков 
 
 
ҚАЗАҚ ТІЛІ 
 
Лексика, фонетика, морфология мен синтаксис 
 
 
 
 
 
 
 
Педагогикалық және гуманитарлық колледждердің 
студенттеріне арналған оқулық 

3 
Толықтырылып 4-басылуы 
Алматы-2012 
А л ғ ы с ө з
 
 
Бұл оқулық көрнекті тіл білімінің маманы Ғабдырахим Әбухановтың 
педагогикалық училищелердің студенттеріне арнап 1982 жылы бастырып
шығарған қазақ тілі оқулығының негізінде жаңа оқу бағдарламасына 
сәйкестендіріліп, толықтырылып, өңделіп төртінші рет шығарылып отыр. 
Оқулықты баспаға әзірлеу үстінде Қазақстан Республикасы Білім және 
ғылым министрлігі техникалық және кәсіптік орта білім берудің жалпыға 
міндетті Мемлекеттік Стандарты мен типтік оқу бағдарламасында қарасты-
рылған теориялық материалдар толық қамтылды. Сондай-ақ, қазақ тіл 
білімінің фонетика, лексикология, грамматика саласында соңғы жарты
ғасырға жуық уақыт ішінде ашылған жаңалықтары мен толықтырулары да 
мүмкіндігінше жан-жақты қарастырылып, еліміз егемендік алған жылдарда 
мемлекеттік тіл дәрежесіне көтеріліп, жаңа сапада дами бастаған қазақ әдеби 
тілінің фактілері пайдаланылды. 
Талдау, жаттығу мәтіндерінің ішінен бүгінгі студенттердің ұғым- 
түсінігіне ауыр тиетін , пасив лексикаға, ішінара тарихи сөздер тобына
айнала бастаған жекелеген сөздер мен сөз тіркестері, кеңес өкіметі мен 
коммунистер партиясын, оның көсемдерін дәріптейтін сөйлемдер алынып 
тасталды, басқа үлгілермен ауыстырылды.
Оқу материалдары модульдік-блоктік жүйе бойынша топтастырылып,
әр тақырыптың соңынан тақырыпқа байланысты сұрақтар, модульдерден 
кейін байқау-тексеру тестілері берілді. 
Н. Есімбеков. 
 

І модуль