Аудиодиск (оқулық, жұмыс дәптерлері бойынша тыңдалым материалдары және оқулыққа қосымша электронды тапсырмалар
Қосымша әдебиеттер:
«Қазақ тілі». Әдістемелік құрал. А.Ж. Хазимова, Б.У. Салыхова, М.Ж. Бейсебекова, «Алматыкітап» 2021 ж
Қазақтілді емес сыныптардағы «Қазақ тілі» пәні бойынша күнтізбелік-тақырыптық жоспар
1-сынып Апталық жүктеме – 2 сағат, жылдық жүктеме –70сағат.
Қазақ тілді емес сыныптардағы «Қазақ тілі» пәні бойынша күнтізбелік-тақырыптық жоспар оқу бағдарламасына сәйкес әзірленді.
Осы күнтізбелік-тақырыптық жоспар (КТЖ) «Бастауыш білім беру деңгейінің 1-4-сыныптарына (оқыту қазақ тілінде емес) арналған «Қазақ тілі» пәні бойынша үлгілік оқу бағдарламасында» белгіленген ұзақ мерзімді жоспар (ҰМЖ) негізінде оқу мақсаттарының әр тоқсанда қамтылу жолын белгілейді.
Күнтізбелік-тақырыптық жоспарды әзірлеу кезінде әр мұғалім өзі қолданатын оқулық пен оқу-әдістемелік кешенге сүйене отырып, ұзақ мерзімде белгіленген оқу мақсаттарын тақырып бойынша белгіленген сағат сандарын тарауларға жіктей алады және оқу мақсатына кететін уақытты (сағатты) өзі белгілейді.
Мұғалім белгілі бір тарауда ұсынылған оқу мақсаттарын жүзеге асыру үшін олардың ретін ауыстыра алады, тарау барысында бірнеше рет қайталап ұсына алады және оқушылардың қажеттілігіне сай қосымша оқу мақсаттарын таңдай алады. Бір сабақта кемінде 2-3 оқу мақсатын қамтыған дұрыс.
Мұғалім күнтізбелік-тақырыптық жоспарды оқушылардың тілдік ортасына, аймақтық, деңгейлік ерекшеліктеріне байланысты күрделендіріп немесе жеңілдетіп құруына болады.
1 сыныптарда 06.02-12.02 аралығында қосымша каникул !!!
