ҚазаҚстан мұсылмандары діни басҚармасы АллАғА мАдАқ (таңдаулы діни өлеңдер) алматы, 2010
жүктеу/скачать 2,13 Mb. Pdf көрінісі
|
| Ынталандыру сыйлығының иегері
Серікбол Хасан, Алматы қаласы ҰлЫ ШЕбЕР Ол кезде біз оқушы едік... балғын ек, (Ол кезде аңыз біздер үшін Арғы бет). Қылатынбыз күнде-күнде білместік, Тұратынбыз тақта алдында жәудіреп. Ол кезде біз білмейтінбіз Хақ барын, (Күнде-күнде жалған өлең жаттадық). Көргеніміз – төрдегі анау көк жәшік, Ермегіміз – доп қуалау шаттанып. Дін жайында ұқпайтынбыз әлі біз, (Біздер үшін Дарвин жалғыз сәніміз). Ұстазымыз: «Бабаң кім?» - деп сұраса, Бірауыздан: «маймыл»,- дестік бәріміз. Қайтіп бұлай жүрекке иман бекиді, Бұдан кейін кештік талай не күйді? «Жаратушым жар бола көр!» - десем мен, «Құдай жоқ!» - деп мұғалімім зекиді. Ұстазыма не айтпақпын ақтала, Олар үшін мен бір түрлі, жат бала. «Ұлы ақын», - деп бастаса ағай сабағын, Мен айтамын: «Ұлы – жалғыз Хақ қана». Қол бұлғады сол бір қызық мектебім, Адасқан күн әлі есімнен кетпедің. 58 Аллаға мадақ Аллаһыма сәжде қылып бес уақыт, Ақиқаттың ауылына беттедім. Ғаріп басым ғибадаттан талмапты, Бүгін, міне, тағы да өлең арнатты... Шын туынды адамзатты жаратқан, Ұлықта деп Ұлы Шебер Аллаһты! өсиет «Тәңірім маған тоғыз өсиет айтып қалдырды, мен оларды сендерге жеткіземін. Олар мыналар...» Пайғамбар (с.ғ.с) хадисінен. Адамбыз ғой адал жолмен бақ табар, Атақ қалар, абырой да, тақ қалар. Анау өмір арқамыздан қақпайды-ау, Соны бір сәт түсінбей ме басқалар? Адам өлер, амал қалар, ар қалар – Себе білген тірлігіңде жанға нәр. Бұл өмірді өзімізше сүрсек те, Амалымыз ақыретке арналар. Аллаһ берген ақиқаттан аспасақ, Иман жиып, ибалы іс бастасақ. Мұхаммедтің өсиетін орындап, Пайғамбарлық парасатты сақтасақ. Тоғыз амал, тоғысарлық бір арна, Бұл өмірде адам мәңгі тұрар ма?! Өсиетін пайғамбардың ақтасақ, Жай табармыз кеудеден жан шығарда. Жақсы мінез жүк болмайды саған түк, Хақтан қорық, өмірдегі бағаңды ұқ. Исламның ең алғашқы талабы – 59 Таңдаулы діни өлеңдер Өзіңе де, өзгеге де АДАЛДЫҚ. Алдымыздан қол бұлғап тұр сағым жол, Өмір – сынақ, өзгелердің жанын көр. Бейбіт күнде туралықтан таймасаң, Бұлдыр шақта басқаларға ӘДІЛ бол. Ақыл айтып, көлгірсімен саған тым, Бауырым-ау, сенсіз бар ма маған күн?! Байлық емес, байсалдылық – ер бағы, САБЫРлы бол, «сабыр түбі – сары алтын». Біз, мұсылман, бір-біріне АЙНАмыз, Ал бүгінде бағыт бұрдық қайда біз?! Ағайынмен араздассақ тірлікте, Ақыретте тие қоймас пайдамыз. Пендеміз ғой, төземіз де сынаққа, МӘРТтік жаса, ұнат мейлі ұнатпа. Адамдарға асар қылу – мол сауап, Ал «сараңдар кірмейді (екен) жұмаққа». Өштескеннен, сірә, өспейді есімің, Жауды сыйла, сынбас сонда бесігің. Өмірдегі көркем мінез, келісті іс – Өзгелерге деген іңкәр КЕШІРІМ. Саналы адам ардан асып кетпейді, Ілім жина, түнек қылмай текке үйді. Үнсіз кезде үлгілі ОЙҒА ШОМЫП жүр, Адамзатқа ақыл артық етпейді. Аллаһ саған өмір берді үкілеп, Тылсым сәтте тілімізбен бүтін ек. Жаратқанға жағам десең, жамағат, Аллаһты ЕСКЕ АЛ, асау тілмен зікір ет. Адам үшін ақыл ғана жан азық, Болашақты болжамайық бал ашып. Бұл дүниеде жетем десең бақытқа, 60 Аллаға мадақ БІЛІМ ІЗДЕП, оқу оқы таласып. Біз – адамбыз, Аллаһ – біреу, азап – шын, Ар-намысын аспандатып Қазақтың. Өсиетін пайғамбардың орындап, Қақпасынан алысталық тозақтың. Пендеміз біз, Өктем амал, өр кеуде, Өзімшілдік өрге қарай өрлеуде. Тек тілерім, қалмайықшы өкініп, Өмірімізге өлім келіп төнгенде. ӨЛГЕНДЕ!!! |