| Музыка сабағы - оқушының оқу-танымдық, рухани-танымдық қасиеттерін өсіруге арналған арнаулы сабақ. Музыка сабағы негізінен үш бөлімнен тұрады: ән үйрену, музыка таңдау, музыкалық сауатты ашу.
Әнді орындау барысында қандай мақсат қойылады? Орындау кезінде оқушылардың музыкаға деген іс әрекеті қалыптасады, оның ішінде хормен орындағанда оқушының музыкалық мәдениеті тұрақтап, орындаушылық шеберлігі тұррақтап, өздерінің музыкаға деген көзқарасын нығайтып, шығарманың бейнелеу образын көрсетедi. Музыка сауаты, нота үйрету бірінші сыныптан басталады. Сабақтың тақырыбына, орындалатын әндер, тыңдалатын музыкалық шығармаларға байланысты, сөз мәтінін жаттау, шығармалардың авторларын білу, сөз - әңгіме құрған кезде балалар алғаш рет музыкалық сөз – терминдермен, ұғымдармен танысады. Мысалы дыбыстың биіктігі, ұзақтығы, дыбыстың күші, дыбыстың бояуы, неше дауыс, оркестр, аспаптармен танысу т.с.с. Әуеннің жүрісі (төмен, жоғары, бір биікте), олардың екпіні, шығармаларға қарапайым сипаттама беру: көңілді, мұңды, ашық, жарқын, сәулелі, ауыр, жеңіл, көтерінкі, сүймелдеу, суйемелдеусіз т.с.с. Сондықтан, бірінші сынып балаларына берілетін мәлімет өте үлкен және тікелей музыкалық сауаттылыққа тәрбиелеуге бағытталады, осы бағытта білім беру жұмысы оқушы мектеп табалдырығын аттаған күннен басталады.
Достарыңызбен бөлісу: |
