ТОҒАЙБАЕВ ҚАДЕН БАРИҰЛЫ – МҰҒАЛІМ, ТӘЛІМГЕР Тоғайбаев Қаден Бариұлы 1935 жылы 20 қазанда
Қостанай облысы, Урицкий ауданы, Веселый Подол
ауылында дүниеге келген. Балалық шағы соғыс
жылдарының қиын кезеңінде өтті. Ол өзінің еңбек жолын
кішкентай кезінен Урицкий ауданында бастады, сол үшін
«Тыл еңбеккері» атағына ие болды және медальдармен
марапатталды.
1954 жылы Каден Бариұлы Алматы қаласында
Киров атындағы Қазақ мемлекеттік университетінің
экономика факультетіне оқуға түсті. Мұнда ол Қ.А.
Сағадиев (ҚР ҰҒА академигі), С.С. Сатубалдин (ҚР
ҰҒА академигі), Р. Шерьязданов (Щучье аудандық атқару комитетінің
төрағасы, Көкшетау аудандық партия комитетінің бірінші хатшысы), Б.
Байдуллаев, З. Шумеков, Т. Молдахметов, Қ. Қаракесов (профессорлар)
сынды тамаша және адал достар тапты. Досықтары өмірінің соңына дейін
жалғасты.
1959 жылы оқуын аяқтағаннан кейін Каден Бариевич Қарағанды
қаласына келді. «Карагандапромжилстрой» тресінде екі жыл жұмыс
істегеннен кейін Социалистік Еңбек Ері, академик Әбілқас Сағынұлы
Сағыновтың шақыруымен Қарағанды политехникалық институтында
ғылыми-педагогикалық қызметін бастады. 1962-1965 жылдар аралығында
Орджоникидзе
атындағы
Мәскеу
инженерлік-экономикалық
институтының аспирантурасында оқыды. 1968 жылы кандидаттық
диссертациясын сәтті қорғады. 1996 жылы мемлекеттік техникалық
университет мәртебесін алған Еңбек Қызыл Ту орденді Қарағанды
политехникалық институтында 60 жыл, өмірінің соңына дейін еңбек етті.
Университетте жұмыс істеген кезінде Қ.Б. Тоғайбаев ассистенттен
профессорға дейінгі еңбек жолынан өтті. Әр жылдары кафедра
меңгерушісі, факультет деканы, ғылыми кеңестің мүшесі болды. Каден
Бариұлы әрдайым университеттің іс-шараларының ортасында болды. Ол
ғылыми қызметпен белсенді түрде айналысты, «Экономика» мамандығы
бойынша диссертациялық кеңестің мүшесі болды. Профессор Қ.Б.
Тоғайбаевтың жетекшілігімен экономика ғылымдарының кандидаты
ғылыми дәрежесін алу үшін бірқатар диссертациялар қорғалды.
Ұзақ жылдар бойы жоғары оқу-әдістемелік деңгейде «Экономика
және құрылыс өндірісін ұйымдастыру», «Жобалау мен Құрылыстағы