Алдыға қойылған зерттеушілік гипотезаларды тексеру корреляциялық, дисперсиялық немесе факторлы талдау көмегімен жүргізіледі. Деректерді талдау нәтижесінде алдыға қойылған гипотеза қабылданады немесе қабылданбайды, бұл алынған нәтиже туралы айтады.
Кластерлы талдау – бұл көпөлшемді бақылауларды классификациялауға мүмкіндік беретін әдістер жиынтығы, олардың әрбіреуі белгілі бір айнымалылар жиынымен сипатталады. Кластерлі талдау мақсаты өзара ұқсас объектілер арасында топтар құру болып табылады. Кластерлі талдау көмегімен нарық сегментациясын жүзгізуге болады (мысалы, тұтынушылардың приоритетті топтарын ерекшелеу).
Кластерлеу әдісін сегменттеуге қолдану келесі тұжырыдмарға негізделген. Біріншіден, тұтынушылар қасиеті сипатталатын айнымалылар мәндері бойынша ұқсас тұтынушылар тобын ерекшелеуге болады деп есептеледі. Екіншіден, ерекшеленетін сегментте өнімнің өтуі бойынша ең жақсы маркетингтік нәтижелерге жетуге болады деп есептеледі. Маркетингтік нәтиже үшін ең бастысы тұтынушыларды топтарға біріктіру болып табылады. Берілген тұжырымды айқындау үшін дисперсиялық талдау әдісі пайдаланылады.
Дисперсиялық талдау. Дисперсиялық талдау көмегімен бір немесе бірнеше тәуелсіз айнымалылардың бір тәуелді айнымалыға немесе бірнеше тәуелді айнымалыларға әсер етуін зерттейді. Корреляциялық талдауға қарағанда дисперсиялық талдау айнымалылар арасындағы байланыс тығыздығын бағалау мүмкіндігін бермейді.
Регрессиялық талдау. Тәуелсіз және тәуелді айнымалылар арасында тәуелділік орнатудың статистикалық әдісі. Регрессиялық талдау құрылған регрессия теңдеуі негізінде әрбір тәуелсіз айнымалының болжанатын тәуелді айнымалының өзгерісіне үлесін анықтайды. Маркетингте сұранысты болжау үшін жиі қолданылады.
Факторлы талдау. Белгілердің (немесе объектілердің) нақты бар байланысы негізінде құбылыстар мен процестердің латентті (немесе жасырын) жалпыланған сипаттамаларын айқындауға мүмкіндік береді. Факторлы талдаудың басты мақсаты айнымалылар санын қысқарту және айнымалылар арасындағы өзара байланыс құрылымын, яғни айнымалылар классификациясын анықтау болып табылады.
4. Қазіргі уақытта зерттеушілер қорында талдау процедурасын оптимизациялауға және жеңілдетуге мүмкіндік беретін программалық пакеттер жиыны бар. Ең кең тараған Vortex, SPSS, Statistica сияқты пакеттер.
