Қазақстандағы мемлекеттік билік тармақтары мен басқарушы элитаға талдау жасай отырып, бір саяси көшбасшының типін айқындау, өз таңдауын дәлелдеу

Еңбек жолы

• 1936 жылы - Институтты ойдағыдай бітіріп, тау-кен инженері мамандығын алған 1937-1939 жылдары Балқаш мыс қорыту комбинатында бұрғылау станогінің машинисі, цех бастығы, рудниктің бас инженері және оның директоры болды.
• 1939 жылы – “Алтайполиметалл” комбинаты бас инженерінің орынбасары, Лениногор кен басқармасының директоры қызметтерін атқарды.
• 1939 жылы – КОКП мүшелігіне қабылданды.
• 1942-1952 жылдары - Қазақ КСР Министрлер Кеңесінің төрағасының орынбасары.Қазақ КСР Ғылым Академиясының академигі және оның президенті етіп сайланды.
• 1955-1960 жылдары - Қазақ КСР Жоғарғы Кеңесінің төрағасы болды.
• 1960-1986 жылдары – Қазақстан Компартиясы Орталық Комитетінің Бірінші хатшысы қызметін атқарды.
• 1986 жылы 16 желтоқсан күні – Қазақстан Орталық комитетінің бірінші хатшылығынан алынып, орнына Колбин тағайындалды. Бұған наразы болған қазақ жастарының Желтоқсан оқиғасы орын алды. ( 1986 ж. 17-18 желтоқсан. Бостандыққа, тәуелсіздікке ұмтылған қазақ халқы тарихындағы елеулі оқиға болып табылады.
• 1987 жылы – маусымдағы пленумда Д.А.Қонаев «Қазақстан Компартиясы Орталық комитетінің Бірінші хатшысы болғанда республика партия ұйымын басқарудағы жіберген қателіктері үшін» деген сылтаумен КОКП мүшелігінен босатылды.

Игі істері мен жетістіктері 

Д. Қонаев өз заманының ұлы саясаткері бола білді. Ол билік басында болған уақыт – қайшылықты күрделі, қарама-қайшылықты болғанымен, елдің экономикасын, әлеуметтік саласын, ғылымын, ұлттық мәдениетін дамыту ісіне айтулы еңбек сіңірді.

Дінмұхамед Ахметұлы ел басқарған жылдары кең байтақ қазақ жерінде 68 жұмысшылар кентімен 43 қала пайда болды. Ауыл шарушылығы қарқынды дамып, тың және тыңайған жерлер игерілді. Мал саны көбейіп, ауыл шаруашылығының өнімдері жыл сайын артып отырды.

Дінмұхамед Ахметұлының арқасында Қазақстанның өнеркәсіп, оның ішінде түрлі-түсті металлургия саласы жоғары деңгейде дамыды.

Д.А.Қонаев металл өңдеу және көлік жасау салаларында өндіріс тиімділігін арттырып, Өскемен, Орал, Қарағанды, Петропавл, Шымкент, Алматы қалаларында көлік жасау зауыттары құрылды.