Қызметкерлерді қызықтыру және тарту

5.7.3.1.1. Ұйымдар мен қызметкерлердің салауатты және қауіпсіз еңбек жағдайын қамтамасыз етуге және ЕҚжЕҚ қағидалары мен нормаларын сақтауға экономикалық тұрғыдан мүдделі болуы Заңнамалық талаптардың бірі болып табылады.

5.7.3.1.2. ҚМГ компаниялар тобы ұйымдарының өндірістік жарақаттылықты азайту бойынша қызметінің негізгі бағыттарының бірі – ұжымдарда ұйымдастырушылық және тәрбиелік жұмысты одан әрі жетілдіру, басшылардың өндірістегі ЕҚжЕҚ үшін жауапкершілігін арттыру, қызметкерлердің ЕҚжЕҚ жақсартуға деген мүдделілігін күшейту, қауіпсіздіктің оң мәдениетін нығайту, қызметкерлердің мотивациясын арттыру, коммуникация және тәжірибе алмасу, барлық деңгейдегі басшылардың және қызметкерлердің ұстанушылық дәрежесін арттыру және ЕҚжЕҚ бойынша басқару процестеріне тартылуы үшін лидерлік дағдыларын енгізу.

5.7.3.1.3. Осы ұсынымдар ҚМГ компанияларының тобына қолданылады және қызметкерлерді еңбек жағдайын үнемі жақсартуға және өндірістік жарақаттылықтың алдын алуға материалдық мүдделілігін күшейту мақсатында енгізіледі.

5.7.3.1.4. ҚМГ ұйымдарының корпоративтік жүйесінде қолданылатын ЕҚжЕҚ бойынша жоғары көрсеткіштерге қол жеткізу үшін моральдық және материалдық ынталандырудың көптеген түрлері мен нысандарын ЕҚжЕҚ жақсарту бойынша жұмыстағы табыстар үшін ұжымдарды ынталандыру үшін қолдануға болады. Жекелеген қызметкерлерді, сондай-ақ бүкіл ұжымды осылай ынталандыру қауіпсіз және салауатты еңбек жағдайын жасау және қамтамасыз ету кезінде маңызды тетік бола алады.

5.7.3.1.5. Моральдық ынталандыру пәрменділігі, көп жағдайда, оны материалдық ынталандырумен бірге дұрыс қолданумен айқындалады.

5.7.3.1.6. ЕҚжЕҚ жақсарту бойынша жұмысты ынталандыру шараларын кең жариялап, жүзеге асырған жөн (жұмыс жиналыстарында, кеңестер мен форумдарда, көп таралымды, қабырға баспасөзде және басқаларында жариялау).