Б. М. Жамекова, К. С. Мукушева, Н. Ж. Омарова
«Өзін-өзі тану» пəнінің гуманитарлық пəндермен интеграциясы
жүктеу/скачать 1,85 Mb. Pdf көрінісі
|
өзін-өзә тану леккк
- Бұл бет үшін навигация:
- Интеграцияланған оқытудың мақсаты
| 2.2. «Өзін-өзі тану» пəнінің гуманитарлық пəндермен интеграциясы
«Интеграция» ұғымына философиялық сөздікте мынандай түсінік береді: əр текті бөліктер мен элементтердің бірігуімен байланысты даму. Интеграция процесі (латын тілінен аударғанда integratio – қалпына келтіру, толықтыру, integer-ден тұтас) бірін-бірі толықтыратын, бір-бірімен байланысты жеке ұғымдарды біртұтас етіп біріктіру. Сөздіктер бойынша берілген түсініктерді сараптай келе, интеграция жалпы қазақ тілінің «толықтыру» ұғымымен синонимдес екендігін байқауға болады. «Өзін-өзі тану» рухани-адамгершілік білім беру бағдарламасы – бұл бəрінен бұрын білімнің жаңаруы, кез келген пəннің тəрбиелік мəнін анықтауы. Бұл білім түрі – барлық пəндердің жалпыадамзаттық негізгі құндылықтарын біріктіру. «Қалай интеграциялауға болады?» деген сауалға жауап іздер болсақ, бүгінгі білім беру жүйесінде рухани-адамгершілік бағдарламасын екі түрлі жолмен интеграциялауға болады: 1. Сыртқы интеграция – бұл өзін-өзі танудың əдістемелік тəсілдерін кез- келген сабақта қолдану (жағымды көңіл-күй, дəйексөздер, əңгімелеу, шығармашылық іс-əрекет, хормен əн айту, сабақтың қорытынды сəті). 2. Ішкі интеграция – бұл биологиялық жəне əлеуметтік табиғатқа ғана емес, сондай-ақ жоғары рухани табиғатқа да ие адам мен əлемнің тұтас түсінігіне негізделген интеграция. Бұдан шығатын тұтас білім адам тұлғасының барлық аспектілерін қозғайды – ақыл-ойдың, қол мен жүректің үйлесімді дамуы; теңдестірілген тұлғаны дамыту; адамға тəн адамгершілік-рухани қасиеттерді анықтау жəне оларды өмір тəжірибесіне енгізу. Басты мақсаты – ой, сөз жəне іс бірлігінде көрінетін мінезді тəрбиелеу. Жалпы кез келген пəнді оқыту барысында сол пəннің мазмұнына жалпыадамзаттық құндылықтарды қосып, жарыққа шығару. Интеграцияланған оқытудың мақсаты: 1. Әртүрлі пəндерді интеграциялау негізінде оқу процесінде оқушылардың ойлауын дамыту үшін оңтайлы жағдай жасау. 42 2. Оқыту процесінің кейбір қайшылықтарын жеңу. 3. Сабақта оқушылардың танымдық жəне шығармашылық қызметін жандандыру . жүктеу/скачать 1,85 Mb. Достарыңызбен бөлісу:
|