Бағдарламасы 1 тарау. Жалпы ережелер

Қазақстан Республикасы
Білім және ғылым министрінің 2020 жылғы «5» ақпандағы
№ 51 бұйрығына 9-қосымша

Қазақстан Республикасы

Білім және ғылым министрінің 2013 жылғы 3 сәуірдегі
№ 115 бұйрығына 554 -қосымша
Жеңіл ақыл-ой кемістігі бар білім алушыларға арналған
бастауыш білім беру деңгейінің 0 - 4 сыныптары үшін «Математика» пәнінен жаңартылған мазмұндағы үлгілік оқу бағдарламасы
1 - тарау. Жалпы ережелер

1. 
   Жеңіл ақыл-ой кемістігі бар білім алушыларға арналған бастауыш білім беру деңгейінің 0-4 сыныптары үшін «Математика» пәнінен жаңартылған мазмұндағы үлгілік оқу бағдарламасы (бұдан әрі – Бағдарлама) «Білім туралы» 2007 жылғы 27 шілдедегі Қазақстан Республикасы Заңының 5-бабы
   

6) тармақшасына сәйкес әзірленген.

2. 
   Бағдарлама мақсаты – білім алушыларда әлеуметтік бейімделуіне және дербес еңбек қызметіне дайындалуына ықпал ететін математикалық білімді, іскерлікті және дағдыларды қалыптастыру.
   
3. 
   Бағдарлама міндеттері:
   

1. 
   білім алушыларда тұрмыстық жағдайларда дербес болуға, шаруашылық-еңбек қызметін және қолжетімді мамандықты меңгеруге мүмкіндік беретін математикалық білім, білік пен дағдыларды қалыптастыру;
   
2. 
   білім алушыларда жағымды эмоционалдық-ерік және жеке қасиеттерді қалыптастыру;
   
3. 
   оқушылардың тілін дамыту, оны арнайы математикалық терминдермен және ұғымдармен байыту;
   
4. 
   есептерді шешу, геометриялық сызбаларды құрастыру туралы толық ауызша есеп беруге, өз қызметіне түсінік беруге үйрету.
   

4. 
   Түзете-дамыту міндеттері:
   

1. 
   сабақтарға деген қызығушылықты, басқа білім алушылар мен ересектер арасындағы өзара байланыс жасай білуді дамыту;
   
2. 
   білім алушылардың танымдық іс-әрекетінің кемшіліктерін барынша өтеуге ықпал ету;
   
3. 
   білім алушылардың көрнекі-әрекеттік және көрнекі-бейнелі ойлауын, ойлау операцияларын (талдау, салыстыру, жалпылау, жіктеу) дамыту;