Бағдарламасы Түсіндірме жазба
жүктеу/скачать 0,84 Mb.
|
| 11-параграф. I-жартыжылдық
31. Сурет салу: 1) балалардың бейнелеу өнеріне деген қызығушылығын ояту; 2) сурет салудың техникалық дағдыларын қалыптастыру; 3) штрихтарды, сызықтарды, ырғақты қайталанатын қозғалыстарды (жаңбыр, жапырақтың түсуі, қардың жаууы), парақтың бүкіл бетінде кескіннің орналасуын сыза білуге үйрету; 4) балаларды «дәстүрден тыс» әдіспен сурет салуға үйрету – саусақтармен сурет салу (орамал, алжапқышты безендіру); 5) бояулардың ашық түстеріне эмоционалды-эстетикалық қатынасты тәрбиелеу. Күтілетін нәтижелер: өнімді іс-әрекетке қызығушылық танытады; мұғаліммен «бірлесіп жасауда» қылқаламмен, саусақпен штрихтармен, құбылыстарды парақтың бүкіл бетіне орналастыра отырып бейнелеуді біледі; түстерді ажыратады, оларға эмоционалды түрде әрекет етеді; салған суреттерінен ләззат алады, бейнені таниды. 32. Мүсіндеу: 1) мүсіндеуге қызығушылықты қалыптастыру; 2) сазбалшықтың, ермексаздың (жұмсақ, иілгіш) қасиеттері туралы түсініктерін қалыптастыру; 3) сазбалшық, ермексазды дұрыс пайдалануды үйрену; 4) қарапайым тәсілдерді үйрету: алақан мен үстелге сүйене отырып, алақанның айналмалы қозғалыстарымен «шарларды» орау. («Таняға арналған доп», «Кірпіге алма». «Бауырсақ», «Клоунға арналған шарлар»); 5) алақанның бүкіл бетін тақтаға тіреп шарларды тегістеу, жалпақ, дөңгелек пішіндерді мүсіндеу дағдыларын бекіту. («Жемістерге арналған тәрелкелер», «Шөлпек торттары», «Преник, печенье», «Марғауға арналған табақша»). Күтілетін нәтижелер: сазбалшықтан, ермексаздан үлгілеуге қызығушылық танытады; сазбалшықтан, ермексаздың қасиеттері туралы түсініктері бар; сазбалшық, ермексазбен жұмыс істеудің бастапқы дағдылары бар; алақанның айналмалы қозғалыстарымен домалату тәсілдерін меңгереді; жалпақ, дөңгелек пішіндерді мүсіндейді. 33. Жапсыру. Балаларды педагогпен «бірлесіп жасау» үлгісі бойынша фланелографқа қарапайым бейнелерді салуға үйрету (көкөністер, жемістер). Дағдыларды қалыптастыру: қарапайым композицияларды (доп, шарлар) құрастыру және құрастыру дағдыларын қалыптастыру. Күтілетін нәтижелер: үлгі бойынша фланельграфта қарапайым композицияларды сызу және құрастыруды біледі; жасаған жұмысына қуанады. 34. Музыка. Музыка тыңдау: музыка тыңдауға және көңілді және байсалды сипаттағы музыкалық пьесалар мен балалар әндерін тыңдау ережелерін сақтауға қызығушылықты қалыптастыру; тыңдалған пьесалар мен әндерге эмоционалды түрде жауап беру дағдыларын қалыптастыру; қоңыраудың, фортепианоның дыбысын тану, әртүрлі музыкалық аспаптарда таныс шағын әуендерді тыңдау; музыкалық және қимыл-қозғалыс көрсетусіз жаңа балалар әндерін тыңдау. Ән айту: әнге, жеке буындармен, балалар әндерінің қысқаша сөздерімен, тақпақтармен қатар ән айтуға қызығушылықтарын қалыптастыру; ересек адаммен бірге ән айту әрекеті (сөйлеу мүмкіндіктерін ескере отырып), интонация мен созылыңқы дыбысқа еліктеу, ересектердің ән айтуына және аспапқа бейімдеу; топпен ән айтудың бастапқы дағдыларын қалыптастыру. Музыкалық-ырғақтық қозғалыстар. Дағдыларды қалыптастыру: музыканың ашық берілген сипатына сай қимылдар жасау; пьесаның екі бөлімді формасының қимылдарын ауыстыру, басталуы мен аяқталуындағы дыбысталу күшін өзгерту (қатты-баяу); музыканың сүйемелдеуімен жүру және жүгіру, қол ұстасып, жұптасып, шеңбермен жүру; қарапайым би қимылдары: шапалақтау және бір уақытта аяқпен тарсылдату, жартылай отыру, аяқтан аяққа тербелу; әнді сахналауда қимылдардың жеке элементтерін қолдану, күрделі емес қимылдар бірізділігін есте сақтау; бубенмен, сылдырмақпен, бірқалыпты ырғақты, түрлі бейнелік - ойын қимылдарын бере отырып заттармен қимылдар жасау; жаттығулар мен билерде сүйемелдейтін музыканың қарама- қарсылығына сәйкес (ақырын-қатты, жоғары-төмен, баяу – жылдам) бір қимылдардан басқаларына ауысу; мазмұнды музыкалық ойындарда қимылдардың сипатын беру және музыкалық сипатын беруге сәйкес ойынның бір кезеңінен келесісіне өту. Күтілетін нәтижелер: музыкалық шығармалардың сипатын (баяу және көңілді әндер мен пьесаларды) ажыратады; музыкалық шығарманың мазмұнын түсініп, (кім, не туралы айтылатыны) көңіл-күйін білдіреді; әннің бөліктерін айта алады (ересекпен бірге), ересектердің көрсеткен қимылдарын қайталайды (шапалақтайды, аяқтарымен топылдатады, қол білектерімен айналдыруды орындайды); қимылдарды музыканың басталу сәтінен аяқталғанға дейін орындайды (қоян секіреді, көбелектер ұшады); музыка және әннің мазмұнына қарай би қимылдарын шеңберде тұрып орындайды; кейбір музыкалық аспаптарды атайды (барабан, бубен, сылдырмақ және басқалары). жүктеу/скачать 0,84 Mb. Достарыңызбен бөлісу:
|