Бағдарламасы Түсіндірме жазба
-параграф. II-жартыжылдық
жүктеу/скачать 0,84 Mb.
|
үлгілік ОҚУ бағдарламасы 2022 қосымша
| 18-параграф. II-жартыжылдық
167. Қоршаған ортамен танысу. Бала, оның отбасы, үйі: 1) туыстық қатынастар туралы ұғымдарды жетілдіру; 2) балаларды өз отбасы мүшелеріне қамқорлық жасауға, үй тапсырмаларын орындауға, отбасы мүшелеріне деген мейірімге толы сезімдерін ауызша білдіруге тәрбиелеу. Заттық әлем: 1) қоршаған заттардың қасиеттерін, материалдары мен мақсатын ескере отырып, оларды таңдау және топтастыру біліктері мен дағдыларын бекіту; 2) қоршаған орта заттары мен объектілеріне ұқыпты қарауға тәрбиелеу. Ересектердің еңбегі: 1) көктемгі кезеңде ересектердің еңбегі және оның маңызы туралы түсініктерді қалыптастыру (бақта, бақшада, далада); 2) әртүрлі мамандықтағы адамдар, асырап-бағу, еңбек құралдары, құралдар, еңбек нәтижелерінің сипаты мен мәні туралы түсініктерді кеңейту; 3) айналадағы заттардың адам еңбегімен жасалғанын және оларға ұқыпты қарау керектігін түсінуге жетелеу. Менің Отаным – Қазақстан: 1) өз Отаны ретінде Қазақстан Республикасы туралы, мемлекеттік рәміздер (Ту, Елтаңба, Гимн), оның мақсаты туралы білімдерін жетілдіру, рәміздерге және өз еліне құрметпен қарауға тәрбиелеу; 2) мемлекеттік және ұлттық мерекелер туралы түсініктерді кеңейту; 3) халықтың өмірі туралы бейнелердің, ұлттық сәндік өнер бойынша альбомдардың, тұрмыстық заттар мен киімдердің бейнесін, фотоларын, картиналарын пайдалана отырып, Қазақстанда тұратын түрлі ұлт өкілдері туралы түсініктерін кеңейту; 4) қазақ халқының салт-дәстүрлері туралы түсініктерін кеңейту. Қазақстан Республикасының әскері: 1) әскердегі қызметі туралы бейне, фотосуреттер, картиналарды пайдалана отырып, Қазақстан әскері туралы, Отан қорғаушылар туралы және оның мәні туралы түсініктерін кеңейту; 2) Ұлы Отан соғысы жылдарында өз Отанын қорғаған қазақстандық жауынгерлердің ерліктерімен танысу; 3) Отан қорғаушыларға, Ұлы Отан соғысының ардагерлеріне құрметпен қарауға тәрбиелеу. Көлік: 1) көліктің әртүрлі түрлері, оның мақсаты туралы білімдерін кеңейту; 2) кейбір арнайы көлік құралдары, олардың жабдықтары және олардың адам үшін маңызы туралы түсінік қалыптастыру. Жол қозғалысы ережелері: 1) жол бөліктері (тротуар, жолдың жүру бөлігі, жаяу жүргіншілер және жер асты өткелдері, жол қиылысы) туралы түсінік қалыптастыру; 2) бағдаршам сигналдарына және жол белгілеріне сәйкес жүру бөлігінен өту дағдыларын бекіту; 3) жол қозғалысы ережелері мен көшеде өзін ұстау және көшеден өту туралы білімдерін бекіту. Мектеп: 1) мектеп, оның адам өміріндегі маңызы туралы түсініктерін қалыптастыру; 2) мектептің негізгі ұғымдарымен таныстыру (сынып, сабақ, мектеп керек-жарақтары); 3) мектепте одан әрі оқуға деген қызығушылықты және эмоционалды – оң көзқарасты қалыптастыру. Күтілетін нәтижелер: өз отбасының туыстық байланыстарын түсінеді, оған оң көзқарас танытады; заттар мен объектілердің мақсаты мен материалын ескере отырып, оларды таңдайды және топтастырады; қоршаған орта заттары мен объектілеріне ұқыпты қарау қажеттілігін түсінеді; көктемгі кезеңде ересектердің еңбегі туралы түсінікке ие, ересектердің еңбегіне құрметпен қарайды; өз Отаны ретінде Қазақстан Республикасы туралы, мемлекеттік және ұлттық мерекелер туралы біледі; Қазақстанда тұратын түрлі ұлт өкілдері туралы түсініктері бар; қазақ халқының кейбір дәстүрлері мен әдет-ғұрыптары туралы түсінікке ие; Қазақстан әскері туралы, Отан қорғаушылар туралы, әскердің маңызы туралы түсінікке ие, Ұлы Отан соғысының ардагерлеріне құрметпен қарайды; әртүрлі көлік құралдарының тиістілігі туралы біледі, көлікте жұмыс істейтін адамдарға құрметпен қарайды; жол қозғалысының негізгі ережелерін біледі және орындайды; мектеп туралы түсінікке ие, онда одан әрі оқуға қызығушылық танытады. жүктеу/скачать 0,84 Mb. Достарыңызбен бөлісу:
|