Бағдарламасы Түсіндірме жазба
-тарау. Ересек топ (4 жастан бастап)
жүктеу/скачать 1,17 Mb.
|
үлгілік ОҚУ бағдарламасы 2022 қосымша (1)
| 3-тарау. Ересек топ (4 жастан бастап)
189. Арнайы түзету қызметінің базалық мазмұны сенсорика ұйымдастырылған оқу іс-әрекетінде жүзеге асырылады. 190. Мақсаты - ойын және өнімді қызметте объектілердің қасиеттері мен сапаларын қабылдауға жағдай жасау; әртүрлі заттар арасындағы ара қатынасын табуға, сәйкестікті орнатуға, салыстыруға үйрету; сенсорлық эталондар жүйесі туралы білімдерін қалыптастыру; балаларды заттар мен материалдардың қасиеттерін, жасаған зерттеу әрекеттерін сөзбен белгілеуге ынталандыру; объектілерді зерттеу процесіне, заттармен ойындарға оң көзқарас пен қызығушылықты қалыптастыру. 191. Міндеттері: балалардың әртүрлі заттармен практикалық әрекеттерін орындауын ұйымдастыруды жалғастыру; бағдарлаудың ізденіс әдістерін қалыптастыру: тәжірибелік немесе ойын есептерін шешу кезінде сынау, сынау; балалардың әртүрлі заттармен практикалық іс-әрекеттер тәжірибесін жинақтауына жағдай жасау; заттармен белсенді іс-әрекеттер негізінде қабылдауды (көру, есту, тактильді-қозғалыс, дәм) дамыту; әлеуметтік-қоғамдық тәжірибені игеру тәсілдерін (еліктеу, көзбен салыстырып сәйкестендіру, үлгі арқылы әрекеттер) қалыптастыру; бағдарлаудың практикалық тәсілдерін қалыптастыру: сынау, шарлау, көзбен өлшеу; берілген белгіге сәйкес заттарды тануды, ажыратуды, топтастыруды үйрету; заттың тұтас бейнесін қалыптастыру; заттардың пішіні, өлшемі, түсі туралы түсініктерін қалыптастыру; жеке заттарды жалпы фоннан ажыратып, қабылдауға үйрету; балаларды заттар мен материалдардың қасиеттерін, жасаған зерттеу әрекеттерін сөзбен белгілеуге ынталандыру. 1-параграф. I-жартыжылдық 192. Көру қабылдау мен зейінді дамыту: 1) педагогтың ауызша нұсқауы бойынша ұсынылған бірнеше әрекеттің ішінен суретте бейнеленген нақты әрекетті таңдау; 2) жұптастырылған суреттерді таңдау; 3) жетіспейтін бөліктерді таңдай отырып, объектінің тұтас бейнесін құру (3-4 элемент); 4) заттың бөліктерін бір бүтінге қосу (2-ден 5-ке дейін): кеспелі суреттерді, пазл түріндегі қиылған суреттерді, текшелерді жинау; 5) заттармен әрекеттерді орындау (итеру, қақпақтармен жабу, жіптеу) кезінде заттардың өлшеміне және пішініне бағдарлау; 6) көлемді пішіндерді (текше, шар, кірпіш, үшбұрышты призма) көзбен ажырату, үлгі бойынша көлемді пішінді таңдау; 7) геометриялық фигураларды айналдыра сызу және қабаттастыру арқылы зеттеу: шеңбер, шаршы, үшбұрыш, төртбұрыш; 8) заттың пішіндерін геометриялық фигуралармен салыстыру; 9) 3-5 затты көлеміне қарай салыстырып, олардың қатынасын сөздермен белгілеу: үлкен, кіші, орташа, одан үлкен, одан кіші, одан да кіші, ең кіші, ең үлкен; 10) жазық және көлемдік объектілер арасындағы өлшемдік қатынастарды орнату; 11) ұзындықтағы, ені әртүрлі заттарды қабаттастырып қою және тақап кою арқылы салыстыру: ұзын-қысқа, тар-кең; 12) геометриялық фигуралардың түсі мен пішінін ескере отырып, жазықтықта өзара орналасуын жаңғырту (өрнек салу); 13) объектілерді көзбен салыстырып ішінен көлемі бойынша бірдей объектілерді таңдау; 14) 3-5 заттан тұратын сериялық қатарларды (пирамида, матрешка, баспалдақ) құрастыру; 15) үлгі, ауызша нұсқау бойынша таңдау арқылы заттардың негізгі түстерін (қызыл, сары, көк, жасыл, қара, ақ) ажырата білуді бекіту; 16) түрлі түсті реңктерді ашықтығы бойынша ажыратуда сөздерді қолдану: ашық, күңгірт; 17) затттардың түсін ажырату, түсті білдіретін сөзге сәйкес заттарды таңдау; 18) екі белгіге бірдей назар аудара отырып, объектілерді топтастыру: пішіні - түсі, өлшемі - пішіні; Есту қабылдауы мен зейінін дамыту: 1) үш музыкалық аспаптың (барабан, металлофон, құбыр) үндерінің өзгеруіне белгілі бір әрекет арқылы реакция көрсетіп, дыбысын ажырата білу дағдыларын үйрету; 2) 2-3 музыкалық аспаптың дыбысталу ретін анықтау; 3) музыкалық ойыншықтар дыбысының ұзақтылығы мен күшін ажырату; 4) музыкалық ойыншықтардың, буындар қатарлардың дыбыс ырғағын, ажырату; 5) буындық құрылымы әртүрлі сөздерді тыңдап, суреттеріне негізделіп ажырату (мысық – көлік – түйе баласы); тактильді-моторлы қабылдауды дамыту: 1) ересек адамның сөздік тапсырмасы бойынша ойыншықты сипалап қарау арқылы таңдау (3 -тен таңдау); 2) көлемді пішіндерді (шар, текше, кірпіш, үшбұрышты призма) және заттардың көлемін (кіші, үлкен, өте үлкен) сипалау арқылы қабылдау; 3) объектілерді саусақтармен сипалау кезінде оларға тән белгілерін анықтау; 4) 2 заттың ішіндегі қатты және жұмсақ заттарды қабылдау және саралау (мақта, металл, ағаш, пластилин); 5) өз денесінің схемасы бойынша бағдарлауға үйрету: дене және бет бөліктерін өзінде, қуыршаққа көрсету; Дәм қабылдауды дамыту: 1) тағамды температураға қарай ажырата білуге үйрету (ыстық, суық, жылы); 2) «тәтті-ащы», «тәтті-қышқыл» әртүрлі дәмдік сипаттамалар туралы түсініктерін қалыптастыру; 3) қышқыл дәмі бар өнімдермен (лимон, қара өрік) танысу; 4) тағамның «ащы-тәтті», «тәтті-қышқыл» дәмін анықтау; 5) жағымды және жағымсыз иістерді ажырату; Күтілетін нәтижелер: негізгі түстерді (қызыл, сары, жасыл, көк) ажыратады, сәйкестендіреді; көлемді фигураларды (шар, текше, кірпіш, үшбұрышты призма) ажыратады; берілген сенсорлық белгі сай келетін объектілерін жиынтықтан таңдап шығарады; 3-5 бөлшегі бар құрама пирамиданы құрайды; 4 бөліктен тұратын тақырыптық суретті құрастырып жинайды; геометриялық фигуралар (шар, текше, кірпіш, үшбұрышты призма) және заттардың өлшемін (кіші, үлкен, өте үлкен) сипалау арқылы ажыратады; өз денесінің схемасында бағдарлайды; сипалау арқылы қатты және жұмсақ заттарды ажыратады; 2-3 музыкалық аспаптың дыбысталу ретін анықтайды; музыкалық аспаптар дыбысының ырғағын қайталайды; музыкалық аспаптардың қатты және ақырын шығатын дыбыстарын ажыратады. жүктеу/скачать 1,17 Mb. Достарыңызбен бөлісу:
|