Бағдарламасы Түсіндірме жазба
жүктеу/скачать 1,64 Mb.
|
үлгілік ОҚУ бағдарламасы 2022 қосымша
| 5-параграф. I-жартыжылдық
16. Сөйлеуді дамыту. Оқыту және тәрбиелеу міндеттері. Сөздік қор: 1) енжар сөздіктің жинақталуы; 2) сөйлеуді түсінуді дамыту; 3) өңделген сөйлеуді тыңдау және есту қабілеттерін қалыптастыру, сөйлеудің интонациялық жағын ажырату. Жұмыс мазмұны. Балаларға мыналарды үйрету: ересек адамды тыңдау, онымен қарым-қатынас жасау; өз атын түсіну; дене және бет бөліктері, киім, аяқ киім, ыдыс-аяқ, тамақ өнімдері, гигиена заттары, үй және жабайы жануарлар атауларының мағынасын ойын тапсырмалары арқылы түсіну; жыл мезгілдерінің кейбір белгілерін және олардың атауларын түсіну және ажырату; қарапайым әрекеттер мен нұсқаулықтарды түсіну, өтініштерді орындау; таныс тұрмыстық жағдайларды және олардың орындалуын көрсететін ойындағы қарапайым сюжеттік желілердің мағынасын түсіну; түсін, пішінін, мөлшерін білдіретін әртүрлі заттардың негізгі тән белгілерін түсіну; «Бұл кім?», «Бұл не?», «Бұл не істейді?»; мазмұны бойынша қарапайым ертегілерді, әңгімелер мен тақпақтарды тыңдау және түсіну, оларға эмоционалды ден қою; ересек адамның сөзіне еліктеуге ықпал ететін барлық жағдайлар мен мүмкін жағдайларды жасау. Күтілетін нәтижелер: ересек адамды тыңдайды; байланысқа түседі; өз атын түсінеді және еске алады; оны қоршаған заттардың атауларын, бет пен дене бөліктерінің атауларын түсінеді; іс-әрекеттің атауын түсінеді; заттар мен олардың әрекеттеріне қатысты сұрақтардың мәнін түсінеді; заттардың негізгі белгілерінің атауларын түсінеді; қарапайым тапсырмаларды орындайды; заттар мен әрекеттердің атауын олардың атауымен салыстырады; мазмұны қарапайым ертегілерді, әңгімелер мен өлеңдерді тыңдайды және түсінеді; ересек адамның сөзіне еліктеуге тырысады. 17. Көркем әдебиет. Оқыту және тәрбиелеу міндеттері: 1) ойыншықтарды, кейіпкерлерді (қуыршақ театры, саусақ театры) және басқа да көрнекіліктерді қолдана отырып, өлеңдер, ертегілер, қысқа авторлық туындыларды (өлеңдер, әңгімелер) тыңдауға үйрету; 2) өлеңдер, ертегілер, қысқа авторлық шығармаларды (өлеңдер, әңгімелер) тыңдау кезінде балалардың эмоционалды қабылдауын және оларға қызығушылықты қалыптастыру; 3) балаларды таныс өлеңдер, ертегілер, қысқа авторлық шығармалар (өлеңдер, әңгімелер) мәтініне сәйкес келетін қарапайым ойын әрекеттерін орындауға үйрету; 4) балаларды шығарма кейіпкерлерімен таныстыру. Жұмыс мазмұны. Ойыншықтарды, кейіпкерлерді (қуыршақ театры, саусақ театры) және басқа да көрнекіліктерді қолдана отырып, балалардың өлеңдер, ертегілер, қысқа авторлық шығармаларды (өлеңдер, әңгімелер) тыңдау қабілетін дамыту; Балаларға таныс өлеңдер, ертегілер, қысқа авторлық шығармалар (өлеңдер, әңгімелер) мәтініне сәйкес келетін қарапайым ойын әрекеттерін орындауға үйрету үшін жағдай жасау; Балаларды бірнеше рет әңгімелеп немесе өлеңдер, ертегілер, қысқа авторлық шығармалар (өлеңдер, әңгімелер) оқығаннан кейін кейіпкерлерді тануға үйрету. Күтілетін нәтижелер: ойыншықтарды, кейіпкерлерді (қуыршақ театры, саусақ театры) пайдалана отырып және басқа да көрнекіліктермен тақпақтарды, ертегілерді, қысқа авторлық туындыларды (өлеңдер, әңгімелер) тыңдайды; қуанышты сезінеді, әдеби шығармаларға эмоционалды жауап береді; таныс өлеңдер, ертегілер, қысқа авторлық шығармалар (өлеңдер, әңгімелер) мәтініне сәйкес келетін қарапайым ойын әрекеттерін орындайды; әдеби шығармалардың бір таныс кейіпкерін көрнекіліктерден (ойыншықтардан) таниды. жүктеу/скачать 1,64 Mb. Достарыңызбен бөлісу:
|