Неофейдизмнің Батыста кең тараған, өз рухы бойынша фрейдтік, марксизмге жақын тұрған бағыттарының бірі - маркузиандық. Негізін қалаушы Г. Маркузе (1890-1979) болып табылады. Басты еңбегі - «Бір өлшемді Адам». Оның мәні - қазіргі «бір өлшемді қоғамның» «бірөлшемді адамды» жасайтындығы: тілектері, қызығушылықтары бар, бірақ бәрі бір ғана бағытта - тұтынушыны тәрбиелейтіндігінде. Адам - тұтынушы біртіндеп «әлеуметтік бұрандаға» айналып, қоғамға тәуелдене, тұлға ретінде ұсақтай түседі, өз тілектерін, демек өзін-өзі баса, жанши түседі.
