29. Сіз білесіз бе? Ең жас өнер түрі деп нені айтады? Мәтінді оқыңыз. Не білдіңіз? Сіздің телевидениеде ұзақ өмір сүрген бағдарламаларыңыз бар
ма? Олар қалай аталады? Ол бағдарламаларды кім жүргізеді? Балаларға арналған қандай танымал
бағдарламалар бар?
ХХ ғасырдың ең жас өнері
Бүгінгі таңда теледидар әр отбасы өмірінің бір бөлігіне
айналды. Көрермендерге танымал жүргізушілер отбасы мүшесі
сияқты. Көрермендердің сүйікті бағдарламалары бар. Кейбір
телебағдарламалардың ғұмырлары ұзақ болады, ал кейбірінікі
бір жылдан аспайды.
Ресей телеарнасында ұзақ ғұмырлы телебағдарлама бар. Бұл
көңілділер мен тапқырлар клубы (КВН). Осы бағдарламаның
көңілді жарысына әртүрлі жоғары оқу орындарының студенттері
қатысады. Оның тұрақты жүргізушісі – Александр Масляков.
Басқа да көңіл көтеруге арналаған бағдарламалар бар. Мысалы,
«Ғажайыптар алаңы», «Қалай миллионер болуға болады?», «Не?
Қашан? Қайда?» т.б.
Телевидениеде балаларға арналған бағдарламалар да көп.
«Балапан» арнасының өзінде қызықты бірнеше бағдарламалар
бар. Осы арнадағы «Құра, бұра», «Алтын құлын», «Ойлан, тап»,
«Кибермен», «Чип пен Байт», «Айжұлдыз» бағдарламалары
балаларға ұнайды.
30. Қазіргі телевидениеде сізге не ұнайды? а) Әлеуметтік сауалнама нәтижесімен танысыңыз: әртүрлі бағдарламалар – 24 %
объективтілігі, бағдарламаның шынайылығы – 13%
ақпараттық бағдарламалар, жаңалықтар – 10 %
арналардың көптігі – 7%
фильмдер, сериалдар - 5%
көңіл көтеру, музыкалық бағдарламалар – 5%
басқа бағдарламалар – 5%
жауап беру қиын – 29%
б) Сізді қанша адамның ақпараттық бағдарламаны таңдағаны, қанша адамның көңіл көтеру мен музыкалық бағдарламаны таңдағаны ойландырмай ма? Сіз қандай бағдарламаны таңдар едіңіз? Бір-біріңізден сұраңыз: Қандай бағдарлама ұнайды, неге?
Қандай бағдарлама ұнамайды, неге?
Жиі көретін бағдарламаңыз қандай?
Спорт бағдарламасын көресіз бе?
Телеойындар көресіз бе?
Сүйікті теле жүргізушіңіз кім?
