Құрамындағы Н, С, О және N элементтерінің қатынасы 1:3:4:7 тең заттың қарапайым формуласын табыңыз.
Құрамы бірдей үш зат берілген. Бұл заттардың құрамындағы көміртектің массалық үлесі 85,7%, сутектікі – 14,3%. Осы заттардың 1 л көлемдерінің массасы 1,87; 2,50; 3,75 г сәйкес. Заттардың формулаларын табыңыз.
Мына қосылыстардағы әрбір элементтің массалық үлесін есептеңіз:
1) Fe(NО3)3; 2) (NH4)2SО4; 3) Ca3(PО4)2 Көлемдік құрамы 45% Н2, 40% СН4, 5% СО, 5% С2Н4 және 5% жанбайтын қоспалардан тұратын 1 м3 газды жағу үшін қанша көлем ауа (ауаның құрамындағы оттектің көлемдік пайызы 20%) қажет?
Ішінде 68 г AgNО3 бар ерітіндіге 68 г NaCl бар ерітінді қосылған. Реакция нәтижесінде түзілген AgCl массасын табыңыз.
Темір (ІІІ) хлориді мен алюминий хлоридінің 1,563 г қоспасын суда ерітіп, осы ерітіндіге артық мөлшердегі калий гидроксиді ерітіндісін қосқан. Түзілген тұнбаны фильтрлеп, жуып, күйдіргеннен кейінгі қатты қалдықтың массасы 0,64 г. Қоспадағы тұздардың массалық үлесін есептеңіз. 83% FeCl3, 17% AlCl3.
