Металдың басқа металл тұзымен әрекеттесуі
а) Фарфор табақшаға 2–3 мл сынап нитраты (ІІ) ерітіндісін құйып, оған 5 не 10 теңгелік монета салыңыз да 2–3 минуттан кейін монеталарды алып, оны сүзгі қағазбен сүртіңіз. Монеталардың түсі қандай? Реакция теңдеуін жазыңыз. (Тәжірибе дұрыс шығуы үшін монеталарды алдымен азот қышқылында жуып сүрту қажет).
ә) Пробиркаға аздап CuSO4 ерітіндісін құйып, оған 2–3 мырыш түйіршігін салып, пробирканы ерітінді қайнағанша қыздырыңыз. Сонда ерітінді түссізденіп, мыс бөлінгені байқалады. Түссіз сұйықты фарфор табақшаға құйып, жалынға ұстайды. Ол буланғаннан кейін суалтыңыз. Салқындағаннан кейін түссіз мырыш купоросы ZnSO4 · 7H2O кристалдарының түзілуіне назар аударып, реакция теңдеуін жазыңыз.
Негіздік тұздың түзілуі
Пробиркадағы CuSO4 ерітіндісіне артық мөлшердегі NaOH ерітіндісін (2 н) құйыңыз. Сонда көгілдір түсті аморфты мыс гидроксидінің тұнбасы түзіледі. Пробирканы қыздырғанда мыс гидроксидінің ыдырауы нәтижесінде мыс оксиді түзілетінін еске алып, реакция теңдеулерін жазыңыз.
Екінші пробиркадағы CuSO4 ерітіндісіне аз мөлшерде NaOH ерітіндісін тамызыңыз. Сонда тұнбасы бар сұйықтықты қыздырғанда мыс гидроксиді емес, негіздік мыс тұзы Cu2(ОН)2SO4 тұнбасының түзілетінін ескеріп, реакция теңдеуін жазыңыз.
Зертханалық жұмыс №3а
Бөлініп шыққан сутектің көлемі бойынша магнийдің
эквивалентін анықтау
Б
2. Металдың эквивалентін анықтауға арналған аспап
арналған аспап аспап
өлінген сутектің көлемі бойынша магнийдің эквивалентін анықтауға арналған аспап штативке бекітілген (2-сурет). Ол сыйымдылығы 50 мл бюреткадан (1), резеңке түтікпен жалғасқан воронкадан (2) және пробиркадан (3) құралған. Бюретка мен пробирка түтікшесі бар тығынмен тығындалады. Тәжірибені жасау алдында аспаптың герметикалығын тексеру керек. Ол үшін бюреткаға су құйып, воронка орналастырылған резеңке түтік суға толтырылады. Бюретканы тығындап, пробирканы орналастырыңыз. Штатив сақинасын төмен түсіріп, жоғары көтеру арқылы аспапты сынаңыз. Егер аспап ақаусыз жұмыс істесе, воронканы төмен түсіргенде бюреткадағы судың деңгейі сәл ғана төмендейді де кейін өзгеріссіз қалады. Егер бюреткадағы судың деңгейі төмен түсе берсе, онда аспапта ақау болғаны. Бұл жағдайда оқытушыдан консультация алып ақауды жөндеу керек.
Достарыңызбен бөлісу: |
