Топографиялық бет Топографиялық бет деп жер бетінің тау қыртыстарының (төбелер мен жоталардың ең үлкен биік нүктелерінің, шұңқырлар мен ойықтардың ең төменгі нүктелерінің) шекарасын, кей-бір су өтетін немесе өткізетін жер қыртыстарының көлденең П0 проекция жазықтығындағы сандық белгілері бар проекциясын (кескінін) айтады. Кейде топографиялық бетті жер беті деп те атайды, себебі топография ежелгі гректің жергілікті жерді жазу деген сөзінен шыққан. Бұл топографиялық бет горизонталь қисық сызықтарымен беріледі. Топографиялық беттің горизонталыдеп сол беттің сандық белгілері бірдей болатын нүктелердің жиынтығын айтамыз. Бұл топографиялық бетті жер бетіне параллель жазықтықпен қиып тастаған деген мағынаны береді. Қиюшы жазықтардың арақашықтығын бір, бес немесе он метр сайын алады. Горизонталь сызығы жіңішке тұтас сызықпен беріледі. Əр бес горизонталь сызық сайын горизонталь тұтас қалыңдатып қойылады.
